Ár azamat óziniń daýsynyń mańyzdy ekenin umytpasa eken!
Almatydaǵy №29 qalalyq emhananyń bas dárigeri, medısına magıstri Aqmıra Sadyqova áriptesterin daýys berýge shaqyrdy, dep habarlaıdy Almaty-akshamy.kz.
«Memleket basshysy 2022 jyldyń 5 maýsymynda respýblıkalyq referendým ótkizý týraly týraly Jarlyqqa qol qoıǵany belgili. Bul kún ár qazaqstandyqtyń óziniń ǵana emes, bolashaq urpaǵynyń keleshegi úshin daýys berip, Jańa Qazaqstannyń jarqyn kúnderine jol ashar Ata zańymyzǵa engizilgeli otyrǵan ózgeristerdiń oń oryn alýyna óziniń únin referendýmǵa qol qoıý arqyly bildire alady. Ata zańymyzdyń 30- dan astam babyna ózgerister engizilip, sonyń aıasynda jıyrmadan astam zań qabyldanbaq. Al zań degenińiz ómir qaǵıdamyzdaǵy buljytpaı oryndalatyn ár azamat úshin mańyzy zor qujat. Prezıdentimizdiń mundaı úlken ózgeristi qolǵa alýy ári halyq bıiligine ıek artýy batyl ári naqty qadamdarynyń biri bolyp otyr. Biz, densaýlyq saqtaý salasynyń qyzmetkerleri, Memleket basshysynyń bul qadamdaryn quptaımyz jáne ózimizdiń qoldaýmyzdy bildermiz.
Memleket basshysy Qasym Jomart Toqaev Qazaqstan halqyna joldaǵan Joldaýlarynda densaýlyq saqtaý júıesin eshqashan nazardan tys qaldyrǵan emes. Densaýlyq saqtaý salasyna árdaıym aıyryqsha mán berip, salany serpiltýge baǵyttalǵan mindetterdi amanattap, eldiń áleýmettik-ekonomıkalyq ahýalyn arttyrýmen qatar, turǵyndardyń ómir súrý sapasyn jaqsartýǵa baǵyttalǵan jańa sheshimder qabyldap, densaýlyq saqtaý salasyna artylar basym baǵyttar men mindetterdi de saralap berdi. Medısına salasyna qomaqty qarjy bólinetindigi jáne ol qarajat ınfraqurylymǵa, maman daıarlaýǵa, halyqty dári-dármekpen qamtamsyz etýge jumsalatyndyǵy densaýlyq saqtaý salasyna tyń serpin berip otyr. 2023 jylǵa qaraı dárigerlerimizdiń jalaqysy ekonomıkadaǵy ortasha jalaqydan eki ese artyq bolatyny da qýantady. Osynyń barlyǵy - bizdiń Jańa Qazaqstannnyń jańa jolyndaǵy aıqyn mindetterdiń biri. Endigi jerde biz Memleket basshysynyń ár tapsyrmasynyń júıeli túrde júzege asýyna atsalysýǵa tıispiz. Sonyń eń basty da mańyzdy qadamy – referendým. Olaı bolsa, biz, densaýlyq saqtaý salasynyń qyzmetkerleri, Qazaqstan halqyn osy aıtýly kúni bir jaǵadan bas, bir jeńnen qol shyǵara otyryp, óz qoldaýlaryn bildirý úshin daýys berýge shaqyramyz. Ár azamat óziniń daýsynyń mańyzdy ekenin umytpasa eken!» - dedi dáriger.