Almatydaǵy «Aqjar» shaǵyn aýdanynyń 22 myńnan astam turǵyny jańa sý qubyrynan aýyz sý alady, dep habarlaıdy almaty-akshamy.kz
Búgin, 1 tamyzda Almatydaǵy «Aqjar» shaǵyn aýdanynda jańa sý qubyry men sorǵy stansıasy iske qosyldy. Qazirgi ýaqytta iske qosý jáne jóndeý prosesi júrip jatyr, ol birneshe kúnge sozylýy múmkin. Osydan keıin turǵyn úıler salynǵan sý qubyryna kezeń-kezeńimen qosylady.
Megapolısti sýmen jabdyqtaýdyń tehnologıalyq tizbegine sý qubyryn qosý jumystary qatar aıaqtalýda. Dıametri 400 mm jáne uzyndyǵy 3,4 km taza sý rezervýarlary men kaskadty sorǵy stansıasy bar sý qubyry «Aqjar» shaǵyn aýdanynyń jelilerin qalanyń jerasty sý qoımalaryna qosatyn bolady.
Nysan jobalyq qýattyna jetken soń 22 myńnan astam turǵyny bar «Aqjar» shaǵyn aýdanynyń 4 myńǵa jýyq úıi aýyz sýmen qamtamasyz etiledi.
«Aqjar» shaǵyn aýdanynyń sýmen jabdyqtaý jáne káriz júıesin damytý jobasyn iske asyrýdy aıaqtaý barysynda munda 28,8 km jeli salý kózdelgen. Naýryzbaı aýdanynda barlyǵy 130 km sý qubyry jáne 65 km káriz jelileri salyndy. 2023 jyldyń sońyna deıin Qarǵaly ózeninde jańa súzgi stansıasynyń qurylysy aıaqtalady. Al 2025 jylǵa deıin Aqsaı ózeninde osyndaı súzgi stansıasynyń qurylysyn aıaqtaý josparlanýda. Munyń bári Naýryzbaı aýdanynyń 150 myń turǵynyn turaqty sýmen qamtamasyz etýge múmkindik beredi.
Aıta keterligi, «Aqjarda» aýyz sý problemalary 2014 jyly megapolıstiń Naýryzbaı aýdanynyń quramyna kirgenge deıin bolǵan. «Aqjardaǵy» sý jyl saıyn sáýirden qazanǵa deıin bolmaı qalady, al eger paıda bolǵannyń ózinde jergilikti turǵyndardyń shaǵymdary boıynsha laı jáne las. Aqjarlyqtar bóshkelerde sý jınaıdy, ony únemdeýdi úırendi, biraq ol áli de turmystyq qajettilikterge jetpeıdi. Ystyq kezeńde balalar men zeınetkerler sý tapshylyǵynan qatty zardap shegedi dep shaǵymdanady jergilikti turǵyndar.
Bul máseleni «Aqjar» turǵyndary 2022 jyldyń tamyz aıynda Almaty ákimi Erbolat Dosaevpen kezdesý barysynda kóterdi ári aýyz sý máselesin sheshýdi suraǵan edi.
«Aqjar» shaǵyn aýdany turǵyndarynyń jaz kezindea sýmen qamtamasyz etilý máselesin sheshý úshin «Aqsaı» súzgi stansıasynyń qurylysy kezeńinde men Almaty jer asty sýlary ken ornynyń qorlarynan sý berý úshin sorǵy stansıalary bar magıstraldy sý qubyryn salý týraly sheshim qabyldadym», - degen bolatyn qala ákimi kezdesý barysynda.
2023 jyldyń naýryz aıynda Erbolat Dosaevtyń tapsyrmasy boıynsha Naýryzbaı aýdanyndaǵy «Aqjar» shaǵyn aýdanynyń turǵyndary úshin sýmen jabdyqtaý júıesiniń qurylysy bastaldy. Almaty ákimi atap ótkendeı, jańa sý qubyryn iske qosý atalǵan qalalyq sektor halqynyń shamamen 65%-yn jerasty kózderinen úzdiksiz sýmen qamtamasyz etýge múmkindik beredi. Turǵyndardyń qalǵan 35%-y sýdy jeke jer asty kózderinen paıdalanady.