Mańǵystaý oblystyq Tótenshe jaǵdaılar departamentiniń bastyǵy Murat Muhanov 16 jastaǵy Amır Abbasovqa Qazaqstan Respýblıkasy Tótenshe jaǵdaılar mınıstrliginiń «Sýǵa batqandy qutqarǵany úshin» medalimen marapattap, arnaıy syılyq tabystady.
Amır Abbasov 16 maýsym kúni teńizge batyp bara jatyrǵan balany qutqarǵan bolatyn. Teńiz jaǵasynda serýendep júrgen 16 jastaǵy Amır sýǵa batyp bara jatqan balany kórip, oılanbastan sýǵa sekirdi. Óz basyn qaterge tikken Amır Abbasov bul erligin azamattyq boryshy sanaıdy.
Almatylyq jasóspirimniń ózi de, ata-anasy da Aqtaýdyń týmasy. Jaz aıynda Amır Abbasov ata-ájesine qydyryp kelip turady.
«Men ulymnyń bul erligin maqtan tutamyn. Degenmen sol sátte ulymnyń ómiri úshin alańdaǵanym ras. Balamnyń erligin eskerip, marapattaǵan azamattarǵa alǵysym sheksiz. Balalarymyz aman bolsyn!» - dedi Amır Abbasovtyń anasy Sáýle Bekmuhammetova.