Básekege qabiliettilik reıtıńinde Qazaqstan jetistikke jetti
2021 jylǵy 17 maýsymda Halyqaralyq menedjmentti damytý ınstıtýtynyń (IMD, Lozanna, Shveısarıa) Álemdik básekege qabilettilikti zertteý ortalyǵy 2021 jylǵy álemdik básekege qabilettilik reıtıńisiniń nátıjelerin jarıalady.
IMD reıtıńi – kelesi faktorlardy baǵalaıtyn keshendi zertteýdiń nátıjesi: «Ekonomıkalyq qyzmet», «Úkimet tıimdiligi», «Bıznestiń tıimdiligi» jáne «Infraqurylym».
2021 jyly zertteýde álemniń 64 eli baǵalandy. Reıtıńte jetekshi orynǵa Shveısarıa ıe. Úzdik 5 elge Shvesıa, Danıa, Nıderlandy jáne Sıngapýr kiredi.
2021 jylǵy zertteý nátıjeleri boıynsha, Qazaqstan Respýblıkasy 2020 jylǵy reıtıńpen salystyrǵanda 7 tarmaqqa kóterilip, 35-oryndy ıelendi, dep habarlaıdy Almaty-akshamy.kz. QR Ekonomıka mınıstrliginiń saıtyna silteme jasap.
Qazaqstan Portýgalıa (36 oryn), Indonezıa (37 oryn), Latvıa (38 oryn), Ispanıa (39 oryn), Slovenıa (40 oryn), Úndistan (43 oryn), Reseı (45 oryn), Túrkıa (51 oryn) sıaqty elderden alda keledi.
Bıyl Qazaqstan reıtıńtiń barlyq faktorlary boıynsha óz pozısıasyn jaqsartty.
«Úkimettiń tıimdiligi» faktory boıynsha Qazaqstan óz pozısıasyn 8 tarmaqqa jaqsartyp, 21 orynǵa turaqtady. Jaqsarý barlyq 5 sýbfaktor boıynsha pozısıalardyń artýymen túsindiriledi, atap aıtsaq: «Memlekettik qarjy» – 19 oryn (4 pozısıaǵa jaqsardy), «Salyq saıasaty» – 5 oryn (11 pozısıaǵa jaqsardy), «Instıtýsıonaldyq orta» – 46 oryn (4 pozısıaǵa jaqsardy), «Bıznes týraly zańnama» – 25 oryn (3 pozısıaǵa jaqsardy) jáne «Qoǵamdyq qurylys» – 29 oryn (9 pozısıaǵa jaqsardy).
«Bıznestiń tıimdiligi» faktory boıynsha Qazaqstan pozısıasynyń 6 tarmaqqa – 28 orynǵa deıin jaqsarǵany baıqalady. Osy faktor aıasynda 4 sýbfaktor boıynsha kórsetkishter jaqsardy. Qazaqstannyń «Eńbek naryǵy» sýbfaktory boıynsha pozısıasy – 20 oryn (12 pozısıaǵa jaqsardy), «Qarjy» – 46 oryn (1 pozısıaǵa jaqsardy), «Menedjment praktıkasy» – 13 oryn (6 pozısıaǵa jaqsardy), «Qatynastar men qundylyqtar» – 23 oryn (6 pozısıaǵa jaqsardy).
«Ekonomıkalyq qyzmet» faktory boıynsha Qazaqstan úsh pozısıaǵa kóterilip, 45-orynǵa ıe boldy. Jaqsarý barlyq bes sýbfaktor boıynsha pozısıalardyń artýymen túsindiriledi: «İshki ekonomıka» – 37-oryn (4 pozısıaǵa jaqsardy), «Halyqaralyq saýda» – 58-oryn (2 pozısıaǵa jaqsardy), «Syrtqy ınvestısıalar» – 47-oryn (1 pozısıaǵa jaqsardy), «Jumyspen qamtý» – 24-oryn (9 pozısıaǵa jaqsardy) jáne «Baǵalar» – 13-oryn (3 pozısıaǵa jaqsardy).
«Infraqurylym» faktory boıynsha Qazaqstan tórt pozısıaǵa kóterilip, 47-oryndy ıelendi. Úsh sýbfaktor boıynsha pozısıalardy kóterý jaqsy nátıje kórsetti: «Bazalyq ınfraqurylym» – 25-oryn (6 pozısıaǵa jaqsardy), «Ǵylymı ınfraqurylym» – 57-oryn (1 pozısıaǵa jaqsardy), «Densaýlyq saqtaý jáne qorshaǵan orta» – 55-oryn (2 pozısıaǵa jaqsardy).
Respondentterdiń pikirinshe, Qazaqstan Respýblıkasy ekonomıkasynyń neǵurlym tartymdy bes faktorynyń qataryna qolaıly bıznes-orta (respondentterdiń 60%-y), ekonomıkanyń serpindiligi (46,4%), qarjylyq jaǵdaıǵa qoljetimdilik (45,5%), saıasattyń turaqtylyǵy men boljamdylyǵy (42,7%) jáne salyq júıesiniń básekege qabilettiligi jatady (40,9%).
Buǵan deıin Boston Consulting Group Sustainable Ecot Asnomic Developmensessment 2021 (08.06.2021 j) jańartylǵan zertteýi sheńberinde Qazaqstan ekonomıkasynyń ekonomıkalyq ornyqtylyq, ınfraqurylym sapasy, memlekettik ınstıtýttar men qyzmetter sıaqty kórsetkishteri boıynsha baǵalaýyn arttyrdy.