Eýropadaǵy aptap ystyqtan áıgili týrıstik oryndar jabylyp jatyr.
Jylyna mıllıondaǵan týrıs baratyn Parfenon ǵıbadathanasy ornalasqan Afınydaǵy Akropol tústen bastap keshki beske deıin jabyq bolady eken. Aýa raıy boljamy boıynsha Afınydaǵy aptap ystyq + 41 gradýsqa deıin barady. Onyń ústine Akropol ashyq jerde ornalasqan, onda kúnnen tyǵylyp, saıa qylatyn kóleńkeli oryn da taba almaısyń. Sondyqtan mundaı shekteý amaldyń joǵynan salynyp otyr, dep habarlaıdy Almaty-akshamy.kz Tengritravel.kz.-ke silteme jasap.
Italıada da aýanyń ystyǵy 45 gradýsqa deıin baratyny aıtyldy. Munda qazirdiń ózinde Kolızeıge kire almaısyz. Sonymen qosa, Ispanıa, Fransıa, Germanıa men Polshada da aptap ystyq kútiledi. Bul elderdegi aýanyń ysýy Eýropa rekordy - Selsı boıynsha 48,8 gradýstan asyp túsýi múmkin. Sońǵy ret mundaı ystyq 2021 jyly Sısıláda tirkelgen edi.
Al Ispanıada demalýshylarǵa jaǵajaıdan qashý kerek bolatyny aıtyldy, óıtkeni qumnyń qyzýy 60 gradýsqa deıin barady eken, al aýa temperatýrasy +48. Ázirge mundaı aýa raıy tek eldiń batysyndaǵy teńizben shektespeıtin Estremadýra aýmaǵynda ǵana tirkelip otyr. Degenmen týrsıterge barynsha jaǵajaıdan alys bolý keregi eskertilip jatyr.
Eske salaıyq, Eýropadaǵy aptap ystyqtyń sebebi "Serber" antısıklony bolyp otyr. Ystyq aýa aǵymdary Eýropaǵa Saharadan barady.