Búgin sportshylar qalashyǵynda HHHİ Dúnıejúzilik jazǵy stýdenttik oıyndardyń Memlekettik tý kóterý rásimi ótti.
Baıraqty básekege elimizdiń atynan qatysatyn sportshylarǵa Ǵylym jáne joǵary bilim mınıstri Saıasat Nurbek arnaıy beıne úndeý joldap, qoldaý kórsetti, dep habarlaıdy Almaty-akshamy.kz.
«Bilimdi, tárbıeli ári deni saý urpaq – memlekettiń eń qymbat baılyǵy, asyl qazynasy. Jastarymyzdyń bilim alýmen qatar, olardyń sportpen shuǵyldanýyna qolaıly jaǵdaı jasaý – bizdiń mınıstrliktiń basty mindetteriniń biri. Talantty stýdentterimizdi respýblıkalyq jáne halyqaralyq deńgeıdegi baıraqty básekelerge qatysýǵa barlyq múmkindikter qarastyrylyp keledi», – dedi mınıstr.
Sondaı-aq, vedomstvo basshysy sporttaǵy sáttilik tek eńbekpen jáne qajyrly kúsh-jigermen keletinin atap ótip, jarysqa qatysýshylar baıraqty básekede elimizdiń dańqyn shyǵaratynyna senim bildirdi.
Aıta keteıik, 27 shildede Qytaıdyń Sychýan provınsıasynyń Chendý qalasynda XXXI Dúnıejúzilik jazǵy stýdenttik oıyndar bastaldy. Sporttyq shara 8 tamyzǵa deıin jalǵasady. Saıysta el quramasyndaǵy 93 stýdent sporttyń 11 túri boıynsha baq synamaq.
Ýnıversıadaǵa qazaqstandyq delegasıany Ǵylym jáne joǵary bilim vıse-mınıstri Talǵat Eshenqulov bastap bardy.