«Taza Qazaqstan» respýblıkalyq naýqany jáne «Almaty – bizdiń ortaq úıimiz» qalalyq naýqany aıasynda «Almaty – baqsha qalasy» aksıasy ótti.
Búginde Medeý aýdanynyń aýmaǵynda 470 aǵash otyrǵyzyldy. Sonyń ishinde 220 alma men 250 buta bar. Negizgi ekpe jumystary «Esentaı»ózeniniń jaǵasy men Shýhov atyndaǵy saıabaqta ótti.
Bul naýqanǵa 600-ge jýyq adam qatysty: jastar, belsendiler, qoǵam qaıratkerleri men qala turǵyndary bar.
QR Eńbek sińirgen qaıratkeri Aıda Aıýpova aport dámin esine alatyn almatylyqtar úshin alma aǵashtaryn otyrǵyzý mańyzdy ekenin atap ótti.
«Qalany kógaldandyrýǵa, ásirese, alma aǵashtaryn otyrǵyzý naýqanyna qatysqanyma qýanyshtymyn. Esentaı ózeniniń boıynda aǵash otyrǵyzýǵa qatystym. Bizdiń qalamyzdyń gúldenýine, kógaldanýyna ári bala kezimizden esimizde qalǵan aportymyzdyń tileımin», - dedi ol.
Esterińizge sala keteıik, aksıa barysynda 8 myńnan astam aǵash otyrǵyzyldy. Sonyń ishinde 4 myńnan astam alma aǵashy. Al «Qaraǵaı ormany» saıabaǵynyń aýmaǵynda 500 alma men órik kóshetteri, «ALA» saıabaǵynyń aýmaǵynda 2270 kóshet jáne Boraldaı ózeniniń boıyndaǵy baqylaý alańynda myńǵa jýyq kóshet otyrǵyzyldy.