«Taza Qazaqstan» respýblıkalyq naýqany jáne «Almaty – bizdiń ortaq úıimiz» qalalyq naýqany aıasynda «Almaty – baq qala» aksıasy ótti. Áýezov aýdanynda 5-shi shaǵyn aýdannyń skverine 400 kóshet otyrǵyzyldy.
İs-sharaǵa jastar, ardagerler, áleýmettik sala, otbasyn qoldaý ortalyǵy, «Órleý» áleýmettik klýbynyń qyzmetkerleri qatysty. Áýezov aýdanynyń ardagerler keńesiniń tóraǵasy Bátıma Ibraeva, qoǵam qaıratkeri, Almaty qalasy máslıhatynyń burynǵy depýtaty Tóleýǵalı Taıtóleev, sondaı-aq N. Sas atyndaǵy teatrdyń aktrısasy, Áýezov aýdanynyń komúnıtı ortalyǵynyń basshysy jáne t.b. aǵash otyrǵyzdy.
«Almaty – bizdiń ortaq úıimiz!» naýqany - bul qalany jańǵyrtýda tamasha múmkindik, kóktem árqashan tazaryp, jańaryp, kórkeıetin shaq. Qys boıy jınalǵan qoqys shashylyp, kóshe men aýla jaman kórinedi. Sondyqtan bolashaqta osyndaı is-sharalardy mindetti túrde ótkizip, tazalyqqa atsalysamyz», - dedi Bátıma Ibraeva.
Kóshetterdi otyrǵyzýmen qatar, belsendiler qustarǵa arnalǵan 30 qus uıasyn ornatty.
Esterińizge sala keteıik, aksıa barysynda 8 myńnan astam aǵash otyrǵyzyldy, onyń ishinde 4 myńnan astamy alma. «Qaraǵaıly ormany» saıabaǵynyń aýmaǵynda 500 alma jáne órik kósheti, «ALA» saıabaǵynyń aýmaǵynda 2270 kóshet jáne Boraldaı ózeniniń boıyndaǵy baqylaý alańynda 1000-ǵa jýyq kóshet otyrǵyzyldy.