Tótenshe jaǵdaılar mınıstrliginiń málimetinshe, 22 tamyz saǵat 8:00-degi jaǵdaı boıynsha, tótenshe jaǵdaıdaǵy órttiń qarqyny tómendemedi, jaǵdaıdyń jaqsarýy baıqalmaıdy.
Osyǵan baılanysty apattyq ýchaskeni gıps jalǵastyrǵyshpen oqshaýlaý týraly sheshim qabyldandy, dep habarlaıdy Almaty-akshamy.kz. Qazir órt aýyzdyqtalyp jatyr.
«Osyǵan baılanysty shahtadaǵy apatty joıý jónindegi shtab basshylyǵy apattyq ýchaskeni gıps jalǵastyrǵysh ornatyp, oqshaýlaý týraly sheshim qabyldady. Olardy ornatatyn oryndar anyqtalyp, materıaldar jetkizilý bastaldy. Sodan keıin barlyq kúsh-jigerdi tótenshe jaǵdaı ýchaskesin oqshaýlaýǵa baǵyttaý josparlanyp otyr», dep jazylǵan Tótensha jaǵdaılar mınıstrliginiń habarlamasynda.
Qaıǵyly jaǵdaıdyń sebebin anyqtaýy tıis arnaıy komısıa áli jumysqa kirise almaı otyr. "Qazaqstan" shahtasynda 5 kúnnen beri órt áli jalǵasyp jatyr. Soǵan baılanysty temperatýra joǵary jáne kózge túk kórinbeıdi.
17 tamyzda Qaraǵandy oblysyndaǵy «ArselorMıttal Temirtaý» AQ «Qazaqstan» shahtasynda órt shyqty: konveıer lentasy órtendi. Jer betine 222 kenshi shyǵaryldy. Taǵy bes kenshi jer astynda qaldy: túk kórinbegendikten olardy shyǵarý múmkin bolmady.