Antıkor izdeýde júrgen azamatty ustady
Tergeý júrip jatyr.
Sybaılas jemqorlyqqa qarsy qyzmet 2023 jyldan beri izdeýde júrgen «Ý» esimdi azamatty ustap, Almaty qalasy polısıa departamentiniń ýaqytsha ustaý ızolátoryna qamady, dep habarlaıdy Almaty-akshamy.kz
Qolǵa túsken azamat buryn sot úkimimen tárkilengen úsh úı men eki páter túrindegi memlekettik múlikti jymqyrdy degen kúdikke ilingen.
Onyń Almaty qalasy boıynsha ákimdik pen UQKD laýazymdy adamdarynyń qatysýymen baqylaýdaǵy adamdarǵa jalǵan tómen baǵamen jáne belgilengen saýda-sattyqsyz jyljymaıtyn múlikti satý jolymen alaıaqtyq jasaǵan.
Osy jyldyń 14 maýsym kúni Bishkek qalasynda «Ý» ustalǵannan keıin ol Qyrǵyz Respýblıkasy İİM qyzmetkerlerine jeńildetilgen rásimder boıynsha óz erkimen Otanyna oralýǵa daıyn ekenin habarlady.
Sol kúni Almaty qalasy prokýratýrasynyń úılestirýimen Sybaılas jemqorlyqqa qarsy qyzmet qyzmetkerleriniń súıemeldeýimen azamat «Ý» Qyrǵyz Respýblıkasynyń shekarasynan ótip, Almaty qalasyna jetkizildi.