QR Mádenıet jáne aqparat mınıstrligi sońǵy ýaqytta mınıstr Aıda Balaevanyń atynan mádenıet qaıratkerlerine túrli máseleler boıynsha habarlamalar kelip túsken jaǵdaılar jıilep ketkenin eskertedi, dep habarlaıdy Almaty-akshamy.kz
"Mundaı habarlamalar alaıaqtardyń isi ekenin málimdeımiz. Aıda Balaeva men QR Mádenıet jáne aqparat mınıstrligi mundaı habarlamalardy elektrondyq poshta, áleýmettik jeliler, messendjerler jáne basqa da baılanys arnalary arqyly jibermeıdi. Sizderden abaı bolýdy jáne hatqa jaýap bermeýdi suraımyz", delingen QR Mádenıet jáne aqparat mınıstrliginiń baspasóz qyzmeti taratqan aqparatta.
Mundaı habarlamalar alǵan jaǵdaıda tómendegideı áreket etý usynylady:
kelgen hatty elemeý, hatqa jaýap bermeý.
alaıaqtyq faktisi týraly quqyq qorǵaý organdaryna habarlaý.
Aıta ketsek, 17 maýsymda Memlekettik qyzmet isteri agenttigi Telegram jáne WhatsApp messendjerlerinde vedomstvo tóraǵasy Darhan Jazyqbaıdyń atynan jalǵan akkaýnttar ashyp, habarlama taratyp jatqan alaıaqtar baryn eskertken bolatyn.