Áleýmettik jelilerde sottalýshy Baqytgúl Hamenovanyń Sybaılas jemqorlyqqa qarsy qyzmet tarapynan ony negizsiz qýdalaý týraly málimdemesi bar aqparat taratylýda, dep habarlaıdy Almaty-akshamy.kz inform.kz-ke silteme jasap.
«Ótken jyldyń jeltoqsan aıynda Hamenova Mádenıet basqarmasynyń basshysy A.Rysqalıevpen Memlekettik satyp alý týraly shart jasasqany jáne mindettemelerdi oryndaý barysynda jalpy qamqorlyǵy úshin «Balqytý» JSHS dırektory Ý. Adamovtan aldyn ala sóz baılasý arqyly adamdar tobynda 4,5 mln teńge somasynda para alǵany úshin áshkerelengenin habarlaımyz», - dep jazdy vedomstvo.
Antıkordyń dereginshe, onyń áreketteri jınalǵan dáleldemelerdi, onyń ishinde jasyryn tergeý áreketteriniń nátıjelerin, sondaı-aq kúdiktiler men kýálardyń tikeleı aıǵaqtaryn eskere otyryp saralanady.
Taǵylǵan aıyptyń negizdiligi men zańdylyǵy prokýrormen rastaldy.
Hamenovanyń jáne basqa adamdardyń kinási týraly qorytyndy sheshimdi sot qabyldaıdy.