Qazaqstan Prezıdenti Q.Toqaevtyń Qazaqstan halqyna Joldaýy naqty qadamdardyń bastaýy boldy. Joldaýdaǵy júzege asyrylatyn saıası reformalar men áleýmettik-ekonomıkalyq baǵytta atqarylatyn is- sharalardan halqymyz da, biz de úlken úmit kútemiz.
Azamattarymyzdyń densaýlyǵy myqty, bilimi tereń bolýy kerek degen Memleket basshysy bilim sapasyna qatysty birqatar ózgerister qolǵa alynatynyn málim etti. Bilimdi ult, sapaly bilim berý ulttyq jobasynda jedel sheshimderdi talap etetin jáne halyqtyń qajettiligin qamtamasyz etýge baǵyttalǵan máseleler boıynsha memlekettik baǵdarlamamen sabaqtastyq saqtalǵan. Joldaýda árbir oqýshynyń bilim alyp, jan-jaqty damýy úshin qolaıly jaǵdaı jasaý, «Jaıly mektep» ulttyq jobasyn qolǵa alý, 2025 jylǵa deıin 800 myń balanyń zamanaýı mektepte oqýyna jaǵdaı jasaý, úsh aýysymdyq mektepterdiń sanyn azaıtý máseleleri qarastyrylǵan. Turǵyndardyń ómir súrý sapasyn arttyrýǵa arnalǵan áleýmettik salalar: dekrettik tólem merzimin uzartý, áıelderdiń zeınetkerlik jasy 61 jastan bolýy, Ulttyq qordaǵy qarjynyń bir bóligin balalardyń esepshotyna aýdarý, bilim alý úshin jeńildetilgen nesıe berý sıaqty tapsyrmalar el bolashaǵynyń jarqyn kórinisin kórsetti. Jańa Ádiletti Qazaqstan ıdeıasynyń túpki maqsaty – iritki salatyn emes, izgilik syılaıtyn urpaq tárbıeleý. Bul – Qazaqstan Respýblıkasy azamattarynyń Konstıtýsıalyq quqyǵynyń saqtalýyn kórsetedi.
Bizder, bilim salasynyń qyzmetkerleri egemen elimiz alǵan bıikter men tabystar birliktiń, adal tirliktiń arqasynda kelip otyrǵanyn jastardyń boıyna sińirý, aǵa urpaqtyń qolymen jasalǵan qundylyqtardy kózdiń qarashyǵyndaı saqtaýǵa úıretý – pedagog paryzy dep bilemiz.
Sondyqtan bizder, pedagogtar qaýymy ýaqyt rýhyn sezindiretin Joldaýǵa senimmen qarap, azamattyq qoldaý tanytyp, birtutas ultymyzdyń berekeli qoǵamdy jasaýyna óz úlesimizdi qosamyz.