2025 jylǵy 2-3 shilde kúnderi Túrkıanyń Antalá qalasynda ótken halyqaralyq deńgeıdegi mentaldy arıhmetıkadan Búkilálemdik Wamas olımpıada óz máresine jetti.
Atalǵan bilim báıgesine 20 memleketten kelgen oqýshylar qatysyp, ózara baq synasty, dep habarlaıdy aqshamnews.kz.
Qazaqstan atynan erekshe daıyndyqpen qatysqan Isma Abay oqý ortalyǵynyń shákirtteri joǵary nátıjelerge qol jetkizip, el mereıin ústem etti.
Super chempıondar:
• Bekbolatqyzy Aızere
• Saparalı Kamıla
Chempıondar - aǵaıyndy Nurjanuly Mansur men Ádilet
1-oryn ıegeri:
• Jakıanov Omar
2-oryn ıegerleri:
• Abdýlhakımov Asad
• Úristem Ramazan
• Bekbolatuly Tańbol
Bul daryndy shákirtterdi úlken dodaǵa jan-jaqty daıyndaǵan jetekshi ustazdary — Korobova Marıa Valerevna men Nurjanqyzy Merýert. Ustazdardyń kásibı sheberligi men jankeshti eńbegi oqýshylardyń joǵary nátıjelerge qol jetkizýine tikeleı yqpal etti.
Oqýshylarǵa marapattaryn jyl saıynǵy dástúrli baıqaýdy uıymdastyrýshy — Berdibekova Gúljan Rapyqqyzy saltanatty túrde tabystady.
Bul jetistik — elimizdiń bilim salasyndaǵy taǵy bir úlken jeńis! Jas zıatkerlerimizge aldaǵy ýaqytta da tolaǵaı tabystar tileımiz.