Jyl basynan beri Almaty turǵyndary men qonaqtary demalys kúngi jármeńkelerde 22 800 tonnadan astam aýyl sharýashylyǵy ónimin satyp aldy.
Onyń ishinde: 11,5 myń tonnaǵa jýyq kókónister men jemister, 7,3 myń tonnadan astam et jáne et ónimderi, 2 myń tonnadan astam sút ónimderi, 1,8 myń tonna bakaleıa jáne marınadtalǵan qıar.
Jármeńkelerde barlyǵy 1000-nan astam taýar túri usynylǵan.
Demalys kúngi jármeńkeleri otandyq óndirýshilerdi qoldaýǵa, halyqtyń qoljetimdi baǵamen sapaly azyq-túlik taýarlaryn alýyna, sondaı-aq qalanyń saýda ınfraqurylymyn damytýǵa baǵyttalǵan. Ónim tikeleı aýyl sharýashylyǵy taýaryn óndirýshiler men óńdeýshi kásiporyndardan deldaldardyń qatysýynsyz kelip túsedi, bul baǵany naryq deńgeıinen tómendetedi. Jármeńkelerdi «Almaty «Áleýmettik-kásipkerlik korporasıasy» («Almaty» ÁKK) uıymdastyrady.
Jyl basynan beri qalanyń bes aýdanynda 210-nan astam jármeńke ótkizildi. Jármeńke apta saıyn, senbi jáne jeksenbi kúnderi saǵat 08:00-den 18:00-ge deıin ótedi.
Ortasha alǵanda demalys kúnderi Almaty men Almaty oblysynyń 328 fermerleri men aýyl sharýashylyǵy óndirýshilerinen keletin 800 tonnadan astam ónim satylady.
Jármeńkeler ótetin oryndar:
* Almaly aýdany: Masanchı kóshesi, Gogol kóshesi men Áıteke bı kóshesi arasynda.
* Bostandyq aýdany: Qazaqfılm sh/a, Isınalıev kóshesi.
* Áýezov aýdany: Ótegen batyr kóshesi - Abaı dańǵylynyń tómen jaǵy.
* Medeý aýdany: Meńdiqulov býlvary - Bekturov kóshesiniń qıylysy.
* Alataý aýdany: «Mádenıet» TÚK.