Oqıǵa ornyna jedel túrde 300-ge jýyq órt sóndirýshi men 36 birlik arnaıy tehnıka keldi
Búgin Qytaıdyń Chansha qalasyndaǵy eń iri China Telecom ǵımaraty órtke orandy, dep habarlaıdy Almaty-akshamy.kz BAQ.KZ-ke silteme jasap.
Qytaı ortalyq telearnasynyń habarlaýynsha, jalyn on qabatty sharpyp úlgergen. Órt jergilikti ýaqyt boıynsha 15:30 shamasynda bastalǵan. Órt ǵımarat astynan joǵaryǵa qaraı órlep keledi.
Oqıǵa ornyna jedel túrde 300-ge jýyq órt sóndirýshi men 36 birlik arnaıy tehnıka keldi. Aldyn ala málimet boıynsha, órt sóndirýshiler ǵımarat birinshi qabatyndaǵy jalyndy aýyzdyqtaǵan.
Onda 35 tonna serverlik janarmaı saqtalǵan, 100-asa adam zardap shegýi múmkin.
China Telecom ǵımaraty 2000 jyly salynǵan jáne ol kezde qaladaǵy eń bıik ǵımarat bolatyn. 42 qabatty záýlim ǵımarattyń bıiktigi 218 metrge jetedi. Zardap shekkender týraly aqparat áli belgisiz.