Sharada jyl boıy eren eńbegimen, meıirimdi júregimen kópti tánti etken analar marapattaldy
Búgin Almatyda Qazaqstan halqy Assambleıasynyń Analar keńesiniń keńeıtilgen otyrysy ótti, dep habarlaıdy Almaty-akshamy.kz Almaty.tv-ge silteme jasap.
Aýqymdy sharaǵa elimizdiń ár óńirinen kelgen 100-den asa ana qatysty. Olar eki kún boıy qoǵamdaǵy ózekti máselelerdi talqylady. Bul kezdesý analarǵa jańa serpin berý úshin uıymdastyryldy deıdi Qazaqstan halqy assambleıasy tóraǵasynyń orynbasary Marat Ázilhanov. Sózinshe, bıyl ǵana tusaýy kesilgen «Mádenıetti ana-mádenıetti ult» jobasy - sonyń dáleli. Bastamanyń maqsaty – otbasylyq qundylyqty dáriptep, jas urpaqty ulttyq salt-dástúrdi saqtaý.
«Osy óńirlerdegi analar keńesi jumysymen tanysyp, jobalardy ortaǵa salyp, barlyq máseleni talqylaý, onyń basty maqsaty. Analar keńesi jumysyn ármen qaraı ilgeliretý bolyp tabylady. Men oılaımyn, kesheden beri jaqsy otyrystar bolǵan shyǵar deımin. Negizi bilesizder, otbasy, ana, bala múddeleri barlyq osy máseleler memleket basshysynyń asa nazarynda», – dedi Qazaqstan halqy Assambleıasy tóraǵasynyń orynbasary Marat Ázilhanov.
Sharada jyl boıy eren eńbegimen, meıirimdi júregimen kópti tánti etken analar marapattaldy. Onyń qatarynda, jurtqa úlgi bolǵan «El anasy», jastarǵa qol ushyn sozyp, pana etken «Aıaly alaqan» sekildi nomınasıalar tabystaldy. Aıta keteıik, búginde elimizde 2 myńǵa jýyq analar keńesi bar. Onda 13 myń ana jumyldyrylǵan.