Qaraqat Jaqsylyqqyzy Ábden – tanymal qoǵam qaıratkeri
20 qarashada ótetin QR Prezıdentiniń kezekten tys saılaýyna Qazaqstannyń saılaý tarıhynda tuńǵysh ret áıel adam usynyldy, dep habarlaıdy Almaty-akshamy.kz QazAqparatqa silteme jasap.
Aıta keteıik, búgin Astana qalasy Qonaev kóshesi 29/1 mekenjaıynda ornalasqan Qazaqstan-SHveısarıa-AQSH kolejiniń bazasynda jumys isteıtin Áleýmettik jumyskerler mektebinde «Kásibı áleýmettik jumyskerler Ulttyq alánsy» respýblıkalyq qoǵamdyq birlestiginiń jıyny ótti.
Jıyn barysynda «Kásibı áleýmettik jumyskerler Ulttyq alánsy» respýblıkalyq qoǵamdyq birlestiginiń aldyǵa qoıǵan maqsat-mindetterin júzege asyrý jolynda jáne ulttyq deńgeıde áleýmettik áljýaz toptardyń problemalaryn kóterip, olardyń múddesin qorǵaý maqsatynda QR Prezıdentiniń kezekten tys saılaýyna Qaraqat Jaqsylyqqyzy Ábden usynyldy.
Qaraqat Jaqsylyqqyzy Ábden – tanymal qoǵam qaıratkeri, QR Prezıdenti janyndaǵy Áıelder isteri jáne otbasy-demografıalyq saıasat Ulttyq komısıasynyń múshesi, Astana ákiminiń áleýmettik máseleler jónindegi shtattan tys keńesshisi, elordanyń qoǵamdyq keńesiniń múshesi, 4 bala tárbıelep otyr.
1974 jyly Aqmola oblysynda týǵan. Memlekettik laýazymdarda qyzmet etken, sonyń ishinde Salyq komıteti Ortalyq apparatynda, QR Prezıdenti janyndaǵy Memlekettik basqarý akademıasynda 10 jyldan astam ýaqyt qyzmet etken.
Astana máslıhatynyń VI shaqyrylymynyń depýtaty. Balalar úıi men náresteler úıiniń qamqorshylyq keńesiniń múshesi, balalar úıiniń 15 tálimgeriniń mentory, tárbıeshisi.