Alataý aýdandyq Oqýshylardyń Inovasıaly shyǵarmashylyq ortalyǵynda analar merekesine arnalǵan «Ana-gúl, Ana-jyr, Ana-ómir shýaǵy» atty búldirshinderdiń shyǵarmashylyq konserti ótti. Almaty qalasy mektepke deıingi bilim berý uıymynyń tikeleı uıtqy bolýymen ótken óner merekesine Alataý aýdanynyń 21 bóbekjaı-balabaqshasy qatysyp, óz ónerlerin ortaǵa saldy. Atalmysh kesh «Anashym, sizge myń alǵys» atty kórmemen bastaldy.
Keshtiń mazmunyna saı qyzyldy-jasyldy gúlmen kómkerilgen sahna kóktemniń kelgenin bildirip turǵandaı. Osynaý sátte keń zaldy qustyń áni kernep, naýryzek qustyń úni estildi. Erekshe ásermen osylaı bastalǵan kesh balalarynyń ónerin tamashalaýǵa kelgen ata-analardyń kóńilin kóterip, janyn jadyratty.
Atalmysh keshti №183 bóbekjaı-balabaqsha «Gúlder» bıimen ashty.
Ananyń ulylyǵy týraly «Ana» óleńin oqyǵan №153 balabaqsha búldirshinderine kópshilik rızashylyq bildirdi. Kesh barysynda №76 balabaqsha ónerpazdary «Ádemi ana», №1balabaqsha «Darıte jenshınam svety», №4 balabaqsha «Abzal ana», №177 balabaqsha «Ana men bala», №148 balabaqsha «Ana ómir gúli» №31 balabaqsha «Ana men bala», №165 balabaqsha «Anashym-aı» ánin oryndady. Birneshe aspaptyń únine qosylǵan №150 bóbekjaı ónerpazdary «Astana-dýman» shyǵarmasyn oryndady. Kelesi kezekte №148 balabaqshanyń kishkentaı bıshileri «Erjúrek qyzdar» bıin, №78 bóbekjaı-balabaqsha «Áke men bala», №120 balabaqshanyń bıshileri «Qýyrshaqtar», №161 balabaqsha «Tekemet», №95 balabaqsha « Alataý» bıin bıledi.
Bul keshte kóne aspaptardyń da kúmbiri estilip, №130 balabaqsha balaqaılary halyq áni «Ilıgaı sáýlemdi» shertermen qosyla shyrqady. Sonymen qatar, №164 balabaqsha qazaq kúılerinen, al №84 bóbekjaı-balabaqsha «Ana týraly» ánderden oryndaǵan papýrıleri de sátti shyqty.
№197 balabaqsha «Kelshi, kelshi, balashym!»
Kesh Alataý aýdandyq bilim bóliminiń mektepke deıingi mekeme bas mamany Mánshúk Sápınqyzy men balabaqsha meńgerýshileri qosyla shyrqaǵan «Alǵys ánimen óz máresine jetti.
Taqyrypqa oraı:
Álıa Joldasbekqyzy, qalalyq Bilim basqarmasynyń mektepke deıingi bóliminiń basshysy:
- Kóktem merekesine, abazal analarymyzǵa Alataý aýdany bilim bólimi úlken tartý jasap otyr. Osy kesh barysynda «Bala-Balabaqsha -Ata-ana» úshtiginiń tyǵyz baılanysta ekenine kýá boldyq. Osynaý kesh boıy taqymyn qysqan ata-analardyń qýanyshyna kýá boldyq. «Bulaq kórseń, kózin ash» demekshi qanshama talantty balaqaıdyń úlken sahnadaǵy alǵashqy tusaýy kesildi. Ata-analardyń qýanǵan sátin kórýdiń ózi qýanysh. Biz sondaı sátke kýá boldyq. Bul-mektepke deıingi mekeme qyzmetkerleriniń tynymsyz eńbeginiń jemisi.