2025 jylǵy 1-5 naýryzda bes táýlik ishinde aýa-raıynyń nasharlaýyna, boranǵa, kóktaıǵaqqa, qatty jelge jáne nóldik kórinýge baılanysty TJM 255 adamdy qutqaryp, evakýasıalady. Sondaı-aq 100 avtomashınany qar qursaýynan shyǵardy. Avarıalyq-qutqarý jáne izdestirý-qutqarý jumystaryn júrgizýge 306 shyǵý jasaldy.
Aýa-raıynyń nasharlaýy týraly daýyldy eskertýler men avtojoldardyń jabylýy týraly habarlamalar SMS-habarlamalar, TJM, aýmaqtyq bólimshelerdiń ınternet-resýrstary jáne áleýmettik jelileri arqyly halyqqa jetkizildi, dep habarlaıdy aqshamnews.kz.
Qutqarý jumystaryn erekshe atap ótken jón:
Aqtóbe oblysyndaǵa varıalyq-qutqarý jumystary
34 adam qutqaryldy
2 naýryzda tún ortasynda Yrgyz aýdanynyń attas aýylynan 15 shaqyrym jerde 4 jeńil avtokólik qar qursaýynda qalyp qoıyp, qutqarýshylar ishinde qalǵan 15 adamdy, onyń ishinde 2 balany jylytý pýnktine evakýasıalady. Tańǵa jaqyn joǵaryda atalǵan jerde qutqarýshylar qar qursaýynan jol talǵamaıtyn kólikti joldyń tazartylǵan ýchaskesine súırep shyǵaryp, ony eń jaqyn eldi mekenge deıin ertip bardy. Salonda 3 adam boldy. Sondaı-aq, Áıteke bı aýdanynda «Júrgenov-Sarat» avtojolynda 3 avtokólik qar qursaýynda qalyp, ishindegi 2 balany sanaǵanda 12 adam qutqarylyp, Júrgenov aýylyna jetkizildi. Tańerteń Muǵaljar aýdany Juryn aýylynan 10 km qashyqtyqta TJM kúshimen Embi qalasyna 4 adam qutqarylyp jetkizildi.
Qutqarýshylar 33 shetel azamatyn evakýasıalady
Túnde 3 naýryzda Yrǵyz aýdany attas kentinen 40 km qashyqtyqta «Samara-SHymkent» tas jolynyń jabyq ýchaskesinde «Ýfa – Samarqand» jolaýshylar avtobýsy júk kóligimen soqtyǵysqan. TJM qyzmetkerleri vahtovkamen 33 Ózbekistan azamatyn joldyń qaýipsiz ashyq ýchaskesinde ornalasqan basqa avtobýsqa deıin evakýasıalady. Zardap shekkender joq.
Qar qursaýynan 32 adam qutqaryldy
5 naýryzda Alǵa aýdanynda «Alǵa qalasy - Eset Kókiuly kenti - Toqmansaı kenti» avtojolynda TJM qyzmetkerleri jol talǵamaıtyn Trekol kóligimen 16 jolaýshyny qar qursaýynda qalǵan avtobýstan evakýasıalady, barlyǵy Toqmansaı kentine jetkizildi. Shalqar aýdanynda «Shalqar-SHetyrǵyz» avtojolynda TJM kúshteri qar qursaýynda qalǵan 2 jeńil kólikti joldyń tazartylǵan ýchaskesine súırep shyǵardy, salonda 8 adam boldy. Qobda aýdanynda «Aqtóbe-Oral» avtojolynyń 575 shaqyrymynda Qobda aýylynan 40 shaqyrym jerde TJM kúshterimen joldan shyǵyp ketip, qarǵa batyp qalǵan mınıvendi joldyń tazartylǵan ýchaskesine súırep shyǵardy, salonda 8 adam boldy.
Zardap shekken balany tasymaldap, naýqas adamǵa kómekke keldi
5 naýryzda TJM qyzmetkerlerine Temir aýdanyndaǵy sharýa qojalyqtardyń birinde úsh jasar balanyń aýyryp qalǵany jáne medısınalyq mekemege tasymaldaýdy qajet etetindigi týraly habarlama kelip tústi. Shubarqudyq kentinen 20 shaqyrym qashyqtyqtaǵy sharýa qojalyǵyna baratyn joldy qar basqandyqtan, jedel járdem qyzmetkerlerimen birge jol talǵamaıtyn «Trekol» kóligimen jolǵa shyǵýǵa sheshim qabyldandy. Joldyń qıyn bóligin ótimdiligi joǵary kólikpen eńsere otyryp, qutqarýshylar balaqaıdy shuǵyl túrde Shubarqudyq kentindegi aýrýhanaǵa jetkizdi.
Sonymen qatar Hromtaý aýdanynyń qutqarý qyzmetine Tassaı aýyldyq okrýgindegi sharýa qojalyǵyna joldyń bolmaýynyń sebebinen 1969 jylǵy er azamatty aýrýhanaǵa jetkizýge kómek qajettigi týraly habarlama kelip tústi. Shaqyrtýdy alǵan soń qutqarýshylar tez arada arnaıy tehnıkamen oqıǵa ornyna shyqty. TJM qutqarýshylary «joldyń qıyn bóligin eńserip», medısınalyq kómekke muqtaj naýqas adamdy aýdan ortalyǵynyń aýrýhanasyna jetkizdi.
Mańǵystaý oblysynda qutqarýshylar 48-den astam júk kólikterin súırep shyǵardy
2 naýryzda túnde Qaraqıa aýdanynda Qazaqstan–Túrikmenstan tas jolynyń Jańaózen qalasynan 170 shaqyrym jerinde qarly boran saldarynan 40-tan astam júk kóligi turyp qalǵan. TJM qyzmetkerleri Jańaózen qalasynan jetip, kólikterdi súırep asýdan ótip ketýge kómektesti. Júk kólikteriniń júrgizýshileri óz saparlaryn jalǵastyrdy.
Jambyl oblysynda 21 adamdy qutqardy
4 naýryzda Jýaly aýdany «B. Momyshuly-Kóltoǵan-Qoshqarata-Qyztoǵan» avtojolynyń Qurenbel aýylynyń mańynda, sondaı-aq Ertaı aýylynyń janynda 5 jeńil kólik qar qursaýynda qalyp koıdy. Kólik ishinde 21 adam, onyń ishinde 3 bala boldy. TJM qyzmetkerleri oqıǵa ornyna jol talǵamaıtyn kólikpen jedel kelip, qutqarylǵandardy Kúreńbel a. evakýasıalady.
Qostanaı oblysynydaǵy avarıalyq-qutqarý jumystar
Qutqarýshylar áıeldiń aýrýhanaǵa jetýine kómektesti
5 naýryzda Qarasý aýdanynda TJM qyzmetkerleri jergilikti turǵyndy joǵary ótimdilikti tehnıkamen aýrýhanaǵa jetkizip, kómek kórsetti. Áıel adam Novoselovka aýylynan joldy qar basqandyqtan medısınalyq mekemege óz betinshe jete almaǵan. Qutqarýshylar jedel áreket etti. Olar oqıǵa ornyna tez jetip, 1967 j.t. áıeldi Qarasý aýdandyq aýrýhanasyna jetkizdi. TJM qyzmetkerleriniń jedel áreketteriniń arqasynda naýqas ýaqytyly qajetti medısınalyq kómekti aldy.
Sheteldikterge kómek kórsetý
5 naýryzda Fedorov aýdanynda «Rýdnyı - Qashar - Fedorovka» avtojolynyń 25-shi shaqyrymynda 59 Tájikstan Respýblıkasynyń azamattary mingen avtobýs joldan shyǵyp ketip, óz betinshe qozǵalysyn jalǵastyra almady. Oqıǵa ornyna jedel túrde qutqarýshylar keldi. Olar jol talǵamaıtyn shynjyr tabandy transporter-tartqyshtyń kómegimen kólik quralyn jolǵa tartyp shyǵardy. Jolshylar TJM qutqarýshylaryna jedeldigi úshin alǵystaryn bildirdi. Avtobýs ary qaraı jolyn jalǵastyrdy.
Atyraý oblysynda 10 munaıshy qutqaryldy
5 naýryzda Qyzylqoǵa aýdanynda Saǵyz aýylynan 20 shaqyrym jerde Ýral avtokóligine mingen munaı kompanıasynyń jumysshylary qar qursaýynda qalyp qoıdy. Kómekke TJM qyzmetkerleri «Trekol» jol talǵamaıtyn kóligimen shyqty. Qar basqan jolmen birneshe shaqyrym jol júrip, qutqarýshylar Saǵyz aýylyna 10 adamdy evakýasıalady.
Batys Qazaqstan oblysynda TJM qyzmetkerleri joǵalǵan adamdy taýyp, qutqardy
5 naýryzda izdestirý-qutqarý operasıasy Terekti aýdanynda júrgizildi. Keshe 1971 j.t. er adam sharýashylyq qojalyǵynan jylqyǵa minip mal izdeýge shyqqan. Búgin ol adasyp ketip qutqarýshylardan kómek surady. İzdeýge qutqarýshylar ótimdiligi joǵary kólikpen shyqty. Tórt saǵat jol júre otyryp qutqarýshylar er adamdy daladan tapty. Ol zardap shekken joq. Belgili bolǵandaı ol qoıý týmannyń kesirinen adasyp ketken.
Sonymen qatar Aqmola, Shyǵys Qazaqstan, Qaraǵandy, Soltústik Qazaqstan, Ulytaý oblystarynda turǵyndardy qutqarý men tehnıkany qar qursaýynan shyǵarý boıynsha qutqarý operasıalary júrgizildi.
TJD kúshimen ótimdiligi joǵary tehnıkasynda avtojoldardyń kúrdeli qarly ýchaskelerinde adamdardyń jáne kepteliste qalǵan avtokólikterdiń bolýyna patrúldeý júrgizildi. Qutqarýshylar halyqqa kómek kórsetip, avtojoldarda qaýipsizdikti qamtamasyz ete otyryp, táýlik boıy jumys isteýdi jalǵastyrýda.
Qazaqstan TJM azamattardy saqtyq sharalaryn saqtaýǵa, daýyldy eskertýlerdi qadaǵalaýǵa jáne qolaısyz aýa raıy jaǵdaıynda alys saparlarǵa shyqpaýǵa shaqyrady. Aýyl turǵyndaryna aýa-raıynyń nasharlaýy jaǵdaıynda uzaq serýendeýden bas tartý usynylady.