Kúlásh Baıseıitova atyndaǵy mýzyka mektebiniń oqýshysy halyqaralyq baıqaýdyń júldegeri atandy.
Borjomı qalasynda grýzın fólklory men klasıkalyq mýzykany damytý odaǵy «Garmonıa», E.Mıkeladze atyndaǵy ortalyq mýzyka mektebi jáne Borjomı qalalyq mýnısıpalıteti uıymdastyrǵan «WORLD HARMONY» IV halyqaralyq baıqaýy ótti, dep habarlaıdy Almaty-akshamy.kz QazAqparat-qa silteme jasap.
K. Baıseıitovanyń «arnaıy fortepıano» klasy boıynsha úshinshi synyp oqýshysy Ámirjan Abylaı atalǵan baıqaýda óner kórsetip, birinshi orynǵa ıe boldy. Ámirjan Abylaı úsh kezeńnen sátti ótip, fınalda Mosarttyń fortepıanoǵa arnalǵan konsertin orkestrmen oryndap shyǵyp, birinshi premıa laýreaty atandy. Aıta keteıik, bul kishkentaı pıanısiń ómirindegi orkestrmen oınaýdaǵy alǵashqy tájirıbesi edi.