UOK prezıdenti Tımýr Qulybaev sporttaǵy qadamyn endi bastaǵan jastardy quttyqtap, jańa rekordtar men jeńister tiledi.
Qazaqstan Ulttyq Olımpıadalyq komıtetiniń prezıdenti Tımýr Qulybaev qazaqstandyqtardy Sport kúnimen quttyqtady, dep habarlaıdy Almaty-akshamy.kz Olympic.kz saıtyna silteme jasap.
«Búginde sport árbir qazaqstandyqtyń ómirindegi mańyzdy bólshekke aınaldy. Salaýatty ómir saltyn ustanatyndar sany artyp, bizdiń olımpıadashylardy qoldaıtyn jankúıerler qatary kóbeıýde.
Sporttyń myqty minez ben tózim qalyptastyrýdaǵy, alǵa qoıǵan maqsatqa jetý jolyndaǵy mańyzyn aıtpaı ketýge bolmaıdy. Sondyqtan, kóptegen jastar óziniń múmkindigin paıdalaný úshin sportqa qadam basýda.
Ulttyq Olımpıadalyq komıtet barlyq atletter men bapkerlerdi, sport salasyndaǵy jumys isteıtin barsha qyzmetkererdi jáne sporttaǵy qadamyn endi bastaǵan jastardy quttyqtap, jańa rekordtar men jeńister tileıdi», - delingen quttyqtaý jedelhatynda.