Ol Baıqońyrdan eki ret ǵaryshqa ushqan
Halyqaralyq Ǵarysh stansasynda júrgen Mark Tomas Vande HEI AQSH-tyń Qazaqstandaǵy elshiligi arqyly qazaqstandyqtardy Táýelsizdik merekesimen quttyqtady, dep habarlaıdy Almaty-akshamy.kz Egemen.kz-ke silteme jasap.
«Men NASA astronavtymyn. Men sizderge orbıtada ornalasqan úıimiz – Halyqaralyq Ǵarysh stansasynan sóılep turmyn. Qazaqstan Táýelsizdiginiń 30 jyldyǵyna jáne Qazaqstan-Amerıka qarym-qatynasynyń 30 jyldyǵyna oraı jyly lebizimdi bildirgenime óte qýanyshtymyn. Osydan úsh onjyldyq buryn AQSH Qazaqstannyń táýelsizdigin moıyndaǵan alǵashqy elderdiń biri boldy. Sodan beri bizdiń elderimiz ǵaryshty ıgerý salasyndaǵy yntymaqtastyqty qamtıtyn berik jáne keń qarym-qatynasty damytty», - dedi ǵaryshker.
Sondaı-aq ol Baıqońyrdan eki ret ǵaryshqa ushqanyn atap ótti. Sonymen qatar, NASA ol jerde kóptegen mańyzdy zertteýler júrgizgenin aıtty.
«Qazaqstannyń arqasynda bizdiń eleýli jumysymyz jáne adamdardyń Halyqaralyq Ǵarysh stansıasyndaǵy saıahaty jalǵasýda. Sizderdi taǵy da Táýelsizdiktiń 30 jyldyǵy jáne dostyǵymyzdyń 30 jyldyǵymen quttyqtaımyn!», - deıdi Mark Tomas Vande HEI.