Ana tilin úırengisi keletin qazaqtardyń arasynda bizdiń tildi meńgergisi keletin amerıkalyqtar da bar.
Amerıkalyqtardyń qazaq tilin úırenip jatqanyna eki apta ǵana bolǵan. Qazirdiń ózinde qal jaǵdaı surasa alady. Qarapaıym birneshe sózi jattap úlgergen. Tipti ony jaza alady. Otyzǵa deıin erkin sanaıdy.
Bul týraly Almaty-akshamy.kz Qazaqstan.tv arnasyna silteme jasap habarlaıdy.
Keren Kanolı bes tilde sóıleıtin polıglot jigit. Qazaq tilin meńgerse alty tildi biletin mamanǵa aınalmaq. «Kúndelikti az da bolsa turaqty ýaqyt bólseń kez kelgen tildi meńgerýge bolady»- deıdi.
«Naqty baǵa berýge erte árıne. Dese de tipti túrik tilimen salystyrǵannyń ózinde qazaq tilinde kóptegen ózine tán dybystar bar. Q, Ú, Ń sekildi. Qazir meniń aýyz qýysy bulshyq etterim men keńirdek pen kókirek tusym da ózgeshe qozǵalysqa túsip, til syndyryp jatyrmyn. Amerımkalyqtar úshin ońaı til emes», - deıdi AQSH azamaty Keren Kannolı.
«Men kolejde oqyǵanda Orta Azıa tarıhy jáne mádenıetimen tanystym. Sodan beri Qazaqstanǵa qyzyǵýshylyǵym artty. Arnaıy barsam dep júrmin. Qazaq áýeni men baı dústúrin unatyp qaldym. Men Kenzasta týyp óstim. Eki jaqtyń mádenıetinde uqsastyqtar bar. Kanzasta da jaıylymdar kóp, halyq nezinen mal ustaıdy, mýzykalyq aspaptar men áýende de uqsastyq az emesin baıqadym. Sony zerttegim keledi», - deıdi AQSH azamaty Adýn Syndın
Amerıkalyqtardyń ótinishin jerge tastamaı, qazaq tilin úıretýdi qolǵa alǵan - Ásel Kúzeýhan. Aǵylshyndarǵa qazaq tilin tikeleı úıretenin arnaıy ádisteme tappaǵan soń ózinshe nusqaýlyq jasap alǵan. Buryndary shetelikdikter Qazaqstanǵa jumys babymen baratyn bolsa orys tilin úırenýge tyrysatyn. «Endi jaǵdaı ózgerip keledi»- deıdi maman.
«Qazir olar qazaq tilin úırenýim kerek dep orys tilin ysyryp, qazaq tilin úırenip jatqany úlken jetistik. Jáne qazaqtandaǵy qazaq tilin bilmeıtinder úshin úlgi dep oılaımyn», - deıdi qazaq tilin úıretýshi Ásel Kúzeýhan.
Qazaq tiline den qoıǵan Keren orys tilin jaqsy biledi. Alaıda, Qazaqstanǵa barǵanda sol eldiń tilinde sóıleýim kerek. Ári qazaqtyń salt sanasyn, dilin qazaq tilinsiz túsiný múmkin emes deıdi.