Abaı dańǵylyndaǵy jol jumystary bekitilgen kestege sáıkes júrgizilýde.
Qazirgi ýaqytta batys baǵytta Dostyq dańǵylynan Áýezov kóshesine deıingi jáne shyǵys baǵytta Tilendıev kóshesinen Naýryzbaı batyr kóshesine deıingi aýmaqtarda jóndeý jumystary tolyq aıaqtalyp, kólik qozǵalysy tolyqtaı qalpyna keltirildi, dep habarlaıdy Almaty-akshamy.kz.
3 tamyz saǵ.23:00-den 5 tamyz saǵ.06:00-ge deıin dańǵyldyń Áýezov kóshesinen Rozybakıev kóshesine deıingi bóliginiń soltústik betinde polımerli asfáltbeton jabynyn tóseý jumystaryna baılanysty kólik qozǵalysy tolyq shekteledi.
Jabyq jerlerdi Áýezov, Shevchenko, Sátbaev, Jarokov, Gagarın, Rozybakıev kósheleri arqyly aınalyp ótýge bolady. Dańǵyldy Áýezov, Gagarın, Rozybakıev kósheleri arqyly kesip ótetin jol ashyq bolady.
Klochkov jáne Radostoves kóshelerinen Abaı dańǵylyna ońtústik baǵytta burylatyn jolda 3 tamyz saǵ.23:00-den 5 tamyz 06:00-ge deıin qozǵalys shekteledi.
Jol-kólik oqıǵasynyń aldyn alý jáne jol qozǵalysyn uıymdastyrý úshin joǵaryda atalǵan kóshe ýchaskesinde 3 patrúldik polısıa ekıpajy jumyldyrylady.
Jóndeý jumystaryn júrgizý ýchaskeleri týraly ózekti aqparat qala ákimdigi men qalalyq mobıldilik basqarmasynyń (@qmb_almaty) resmı paraqshalarynda, sonymen birge, 2GIS qosymshasynda qoljetimdi bolady.
Esterińizge salaıyq, Almatyda alǵash ret polımerlerdi paıdalanyp, asfált tóseý jumystary júrgizilip jatyr. Mundaı qospalar tozýǵa tózimdi, jumsartý temperatýrasy joǵary (65-70°C), sondyqtan ystyqqa tótep berip, áldeqaıda uzaǵyraq qyzmet etedi – 8-10 jyl paıdalanýǵa bolady.
Jol jóndeý 2023 jylǵa josparlanǵan jumystar aıasynda qolǵa alynǵan. Ýaqytsha qolaısyzdyqtar úshin keshirim ótinemiz. Bul qala joldarynyń bizge uzaǵyraq qyzmet etýi úshin qajetti shara. Jol júrý baǵyttaryńyzdy aldyn ala josparlap alýlaryńyzdy suraımyz.
Jóndeý jumystaryn júrgizý ýchaskeleri týraly ózekti aqparat qala ákimdigi men qalalyq mobıldilik basqarmasynyń (@qmb_almaty) resmı paraqshalarynda, https://t.me/AlmatyJoly Telegram-kanalynda, sondaı-aq 2GIS qosymshasynda qoljetimdi.