Qazaqstannyń ár aımaǵynan 200-den astam belsendi áıel «AMANAT» partıasynyń Áıelder qanaty aıasynda uıymdastyrylǵan «Tomiris» kóshbasshylyq jobasynyń oqý kýrstaryna qatysty. Májilis Spıkeri jáne «AMANAT» partıasynyń Tóraǵasy Erlan Qoshanov olarmen kezdesip, 6 qazanda ótetin atom elektr stansıasy týraly referendým men Prezıdent Joldaýynyń júzege asyrylýyn talqylady.
Erlan Qoshanov Memleket basshysy Qasym-Jomart Toqaevtyń áıelderdiń qoǵamdaǵy rólin árdaıym joǵary baǵalaıtynyn jáne genderlik teńdik pen otbasy qundylyqtaryn nyǵaıtý máseleleri Prezıdent pen «AMANAT» partıasynyń basty nazarynda ekenin atap ótti. Ol Áıelder qanatynyń bir jarym jylda partıanyń qozǵaýshy kúshine aınalǵanyn da aıtty. Mysaly, otbasylyq-turmystyq zorlyq-zombylyqqa qatysty zańnyń qabyldanýy Áıelder qanatynyń bastamalarynyń biri.
Kezdesýde Memleket basshysynyń Joldaýy, ásirese, eldegi energıa tapshylyǵy máselesi de talqylandy. Erlan Qoshanov AES qurylysy elimizdiń energetıkalyq qaýipsizdigin qamtamasyz etý úshin mańyzdy ekenin jáne qazaqstandyqtardyń basym bóligi bul ıdeıany qoldap otyrǵanyn atap ótti. Halyqtyq shtab músheleri de óńirlerdi aralap, turǵyndarmen kezdesip, beıbit atomdy qoldaý boıynsha jumystar júrgizýde.
Iadrolyq fızıka ınstıtýtynyń ókilderi Karlyǵash Munasbaeva men Natalá Izmaılova qaýipsizdik talaptaryna saı sońǵy tehnologıalardy paıdalaný arqyly AES salýdyń múmkindikteri týraly aıtyp ótti. Kásipker Kenjetaı Tazabekova referendýmnyń «Halyq únine qulaq asatyn memleket» tujyrymdamasynyń kórinisi ekenin atap ótti.
Kezdesý sońynda partıanyń Áıelder qanatynyń músheleri AES qurylysyna qoldaý bildirip, qazaqstandyqtardy referendýmǵa belsendi qatysýǵa shaqyrdy.