Qazaqstan Respýblıkasy Ǵylym jáne joǵary bilim mınıstrligi Ǵylym komıtetiniń R. B. Súleımenov atyndaǵy Shyǵystaný ınstıtýty, Islam Yntymaqtastyǵy Uıymy (OIC) janyndaǵy Islam tarıhy, óneri men mádenıetin zertteý ortalyǵy (IRCICA) jáne Aqtóbe oblysynyń mádenıet, arhıvter jáne qujattama basqarmasy birlesip, 2024 jylǵy 18 qyrkúıekte «Altyn Orda jáne onyń muragerleriniń arabjazýly epıgrafıkasy» taqyrybynda halyqaralyq ǵylymı semınar ótkizedi.
Bul mańyzdy is-shara «Altyn Ordadan keıingi qoǵamnyń dástúri men mádenıetindegi sabaqtastyq pen ózgerister (Batys Qazaqstan, Edil-Oral, Daǵystan, Horezm aımaqtaryndaǵy epıgrafıkalyq eskertkishterdi salystyrmaly zertteý)» jobasyn júzege asyrýdyń negizgi bir bóligi bolyp tabylady.
Semınar barysynda talqylanatyn taqyryptar:
- Altyn Orda órkenıeti ornalasqan tarıhı aımaqtardyń epıgrafıkasy: jańa oljalar jáne olardyń ınterpretasıasy;
- Qazaqstannyń epıgrafıkalyq eskertkishterin kórshiles memleketterdegi arabjazýly jádigerlermen salǵastyrmaly-salystyrmaly zertteý;
- Altyn Orda órkenıeti tarıhı aımaqtarynyń damýy jáne mádenı dástúrlerdiń turaqty túrleriniń qalyptasýy.
Semınar qazaq, orys, aǵylshyn tilderinde ótedi.
Semınar barysynda tanystyrylatyn kitaptar:
- Múmınov Á.Q., Dúısenov B.D. «Abat-Baıtaq» qorymynyń arabjazýly epıgrafıkalyq eskertkishteri» – Kitap-albom. Almaty: Altyn paraq, 2023. – 496 b. + «Abat-Baıtaq» qorymy fılminiń dıskisi.
- Máshhúr Júsip Kópeıuly. «Rısala-ıı janaıız (Janaza kitaby)» – Almaty: Altyn paraq, 2024. – 260 bet.
Qatysý úshin ótinishter:
Qatysýǵa nıetti ǵalymdardy 2024 jyldyń 31 tamyzyna deıin baıandamalary men ótinish-hattaryn kelesi elektrondyq mekenjaılarǵa jiberýlerińizdi suraımyz:
kz.orientalstudies.2024@gmail.com
shighistanu@mail.ru
Ótinim nysany:
- Qatysýshynyń tegi, aty, ákesiniń aty.
- Qatysýshynyń jumys orny, laýazymy, ǵylymı dárejesi men ataǵy.
- Baılanys telefondary, e-mail adresi.
- Baıandamanyń ataýy.
Uıymdastyrý komıtetiniń baılanystary:
Mekenjaı: 050010, Almaty q., Qurmanǵazy k-si, 29, R.B. Súleımenov atyndaǵy Shyǵystaný ınstıtýty.
Anyqtama telefondary:
+7 707 157-95-71 – Mederova Dına Esırkepovna
+7 701 697-96-90 – Kýrmanbaeva Kýralaı Smagýlovna
Maqala resimdeý talaptary:
- Maqala ataýy men avtor týraly málimetter maqala jazylǵan tilde jáne aǵylshyn tilinde beriledi.
- Maqala ataýy jáne túıini aǵylshyn tilinde shamamen 200 sózben berilýi kerek.
- Ádebıetter men derekkózder tizimi nómirlenip, maqalanyń sońynda kórsetiledi. Mátindegi siltemeler tik jaqshada beriledi [1: 245].