«Almaty Business – 2025»: «Almaty» ÁKK enshiles kompanıalary arqyly 36,3 mlrd. teńgege 656 joba qarjylandyryldy, dep habarlaıdy aqshamnews.kz
«Almaty Finance» JSHS basqarma tóraǵasynyń orynbasary Juldyz Igenovtyń aıtýynsha, 2019 jyldan beri «Almaty Business – 2025» kásipkerlikti damytýdyń óńirlik baǵdarlamasy aıasynda «Almaty» ÁKK - «Almaty Finance» JSHS jáne «Almaty» MQU JSHS enshiles kompanıalary arqyly 656 jobaǵa 36,3 mlrd teńge bólinip, 2 716 jumys orny quryldy.
Bul baǵdarlama shaǵyn jáne orta bıznesti 2% jáne 6% jyldyq mólsherlememen 7 jylǵa deıin jeńildikpen nesıelendirý arqyly damytýǵa baǵyttalǵan. Baǵdarlamanyń negizgi baǵyttary – ónerkásiptik, ınovasıalyq, eksportqa baǵdarlanǵan jobalar, kreatıvti ındýstrıa, shaǵyn ónerkásip parkteri, sondaı-aq Almatydaǵy arnaıy ekonomıkalyq jáne ındýstrıalyq aımaqtarda júzege asyrylatyn jobalar.
Juldyz Igenov baǵdarlamanyń basty maqsaty – bızneske qarjylandyrý múmkindigin arttyrý ekenin atap ótti. Osy maqsatqa jetý úshin «Almaty Finance» jáne onyń enshiles kompanıasy «Almaty» MQU JSHS qurylyp, «Almaty» ÁKK kompanıalar tobyna endi.
«Almaty Finance» jáne «MQU Almaty» arqyly kásipkerler 2% jáne 6% jyldyq mólsherlememen 7 jylǵa deıin nesıeler alyp, óz bıznesterin damytýǵa múmkindik aldy. 2024 jylǵa arnalǵan «Almaty Finance»-tegi eń joǵary nesıe somasy 500 mln teńgeni, al «Almaty» MQU-da 73 840 000 teńgeni quraıdy», – dedi Juldyz Igenov.
Alynǵan qarajat kásipkerlerge jabdyq satyp alýǵa, shıkizat alýǵa, aınalym qarajatyn tolyqtyrýǵa jáne bıznestiń basqa qajettilikterin qanaǵattandyrýǵa jumsalady.
«Almaty Business – 2025» baǵdarlamasynyń artyqshylyqtary:
- negizgi baǵyttar men qalanyń 2025 jylǵa deıingi damý jospary aıasynda alǵa qoıylǵan mindetterge sáıkes tar sheńberde qarjylandyrý;
- startap jobalardy nesıelendirý;
- áleýmettik álsiz toptarǵa jatatyn kásipkerlerge qoldaý kórsetý;
- shaǵyn ónerkásip parkterin salýdy qarjylandyrý, ónerkásiptik ıpoteka;
- qalanyń ekologıasyn jaqsartýǵa baǵyttalǵan jobalardy qoldaý.
2024 jyldyń birinshi jartyjyldyǵynda «Almaty Finance» jáne «Almaty» MQU Almaty qalasynda 4,5 mlrd teńgege 55 jobany qarjylandyryp, 348 jumys ornyn qurdy. Shaǵyn ónerkásiptik parkter qurylysyn qarjylandyrýdan basqa, bıznesti damytýǵa óndiris jáne qaıta óńdeý, densaýlyq saqtaý, bilim berý, sondaı-aq áleýmettik kásipkerlik, kreatıvti ekonomıka jáne týrızm salalaryndaǵy jobalardy iske asyratyn kásipkerler qaryzdar aldy. Sondaı-aq, sport jáne halyqqa qyzmet kórsetý salasyndaǵy jobalar qarjylandyrýmen qamtamasyz etildi.
«2019 jyldan 2024 jyldyń birinshi jartyjyldyǵyna deıin «Almaty» ÁKK enshiles jáne táýeldi kompanıalary arqyly «Almaty Business – 2025» baǵdarlamasy aıasynda 36,3 mlrd teńgege 656 joba qarjylandyrylyp, 2 716 jumys orny ashyldy», - dep tolyqtyrdy sózin spıker.
Basym baǵyttardyń ishinen qaryzdardyń eń kóp sany óndiris jáne qaıta óńdeý, densaýlyq saqtaý jáne áleýmettik kásipkerlik jónindegi jobalarǵa, sondaı-aq týrızm, kreatıvti ındýstrıa jáne bilim berý salalaryndaǵy jobalarǵa bólindi. Budan basqa, shaǵyn ónerkásip parkterin salý boıynsha, sport salasyndaǵy, SHÓP rezıdentterin qoldaý jáne qala ekologıasyn jaqsartýǵa baǵyttalǵan jobalar qarjylandyrýmen qamtamasyz etildi.
Kásipkerlerdi qoldaýǵa bólingen búdjetten 25,3 mlrd teńge qqaıtarymdy-jańartpaly qarajatty paıdalaný esebinen 36,3 mlrd teńge somasyna qarjylandyrýdy qamtamasyz etýge múmkindik berdi.
Jyl sońyna deıin «Almaty» ÁKK «Almaty Finance» jáne «Almaty» MQU arqyly «Almaty Business – 2025» sheńberinde qarjylandyrýdyń jalpy kólemin 42 mlrd teńgege deıin jetkize otyryp, 5,0 mlrd teńge somasyna taǵy da jobalardy qoldaýdy josparlap otyr.