Almaty oblysynda “Altyn orda” bazarynyń eks-basshysy Ermek Marqabaevqa qatysty alǵashqy sot otyrysy keıinge shegerildi. Sebebi, kúdikti aıyptaý aktisimen tanyspaǵan, dep habarlaıdy almaty-akshamy.kz astanatv.kz silteme jasap.
Resmı organdar dereginshe, Ermek Marqabaev jazda “Almaty - Bishkek” tas jolynda esirtkimen ustalǵan. Biraq qorǵaýshysy Marqabaevtyń qaltasyna esirtki qasaqana salynǵan deıdi. Aıtýynsha, dálel vıdeojazbalar bar kórinedi. Qarasaı aýdandyq soty iske qatysty sot otyrysyn 6-shy qarashaǵa qaldyrdy.
- Polısıa qyzmetkerleriniń is áreketinde zańǵa qaıshylyq kóp. Aıyptaý aktisin áli kúnge deıin Marqabaevtyń ózi nemese qorǵaýshylary qolma-qol alǵan joq. Ótkende sotqa daıyndaý kezeńinde sýdıa prokýrorǵa aıyptaý aktisin ózine nemese qorǵaýshylaryna tapsyrýdy mindettegen. Biraq qazirgi tańǵa deıin áli aıyptaý aktisin alǵan joqpyz, qylmystyq istiń materıaldarymen tanysqan joqpyz. Telefonyn tartyp alǵan, minip júrgen kóligin tartyp alǵan. Sol kóliktiń ishinen 3 mln teńge kóleminde aqshasyn bireý urlap ketken. Soǵan kóńilimiz tolmaı tur, - deıdi E.Marqabaevtyń qorǵaýshysy Dınara Jubatova
Kúdiktiniń ózi sot otyrysyna onlaın qatysty. Onyń jaqyndary ádildik surap shyryldaýda. Sózderinshe, tergeý ızolátorynda jatqan Ermek Marqabaevtyń densaýlyǵy kún saıyn nasharlap barady.
- Meniń aǵam- kinásiz. Ony ustaý barysynda esirtkini qaltasyna qasaqana salǵany - fakt. Ony vıdeoǵa túsirip úlgergen áıelge de qysym kórsetildi. Ádildik ornasyn dep talap etemiz. Aǵamnyń qan qysymy joǵary, asqazanynda jarasy bar, tamaq aýrýynyń aýyr formasymen aýyrady. Sondyqtan eń bolmaǵanda úı qamaqqa jiberýlerin suraımyz, - deıdi E.Marqabaevtyń ápkesi Jyldyz MARQABAEVA