Bul kompanıa salyq tólemegen.
Qarasaı aýdany Memlekettik kirister basqarmasynyń ókili «Altyn Orda bazary» JSHS-niń nege taratylǵanyn túsindirdi, dep habarlady Almaty-akshamy.kz Turkystan.kz caıtyna silteme jasap.
Buǵan deıin BAQ-ta "Altyn Orda" bazary Qarasaı aýdany salyq departamentiniń aryzy boıynsha Almaty oblysynyń aýdanaralyq ekonomıkalyq soty sheshimimen taratylǵany týraly aqparat taraǵan bolatyn. Memlekettik Kirister basqarmasy basshysynyń orynbasary Anarbek Seıitov JSHS taratylǵanyn, sebebi kompanıa eshqandaı áreket etpegenin aıtty.
«Salyq kodeksiniń 93-babyna sáıkes, «Altyn Orda bazary» JSHS májbúrli túrde taratylýy tıis edi. JSHS esep bermegen, eksport-ımport operasıalaryn júrgizbegen. Sondyqtan sotqa berdik. Barlyǵy jumys istep turǵan "Altyn Orda" bazary dep oılady. İs júzinde onyń menshik ıeleri – basqa JSHS. BAQ-tan oqydym, biraq, bul – jaı ǵana ataý. 93-bap boıynsha olar sotqa májbúrli taratý týraly ótinish berdi, sheshim shyqty. Bazar jumys isteıdi, onda basqa da kásiporyndar bar. Bazarǵa KURYLYS LTD JSHS jáne Altyn Orda Qaz Trade Ltd JSHS ıelik etedi. «Altyn Orda bazary» JSHS buryn bazardy basqarǵan, onyń quryltaıshylary 2000 jyldardyń basynda bazar ıeleri bolǵan. Kompanıa 3 jyldan astam ýaqyt jumys istep keledi», – dedi Anarbek Seıitov.
Sondaı-aq ol jyl saıyn basqarma salyq esebin usynbaıtyn, salyq tólemderin, ımport, eksport operasıalaryn júzege asyrmaıtyn kompanıalar tizimin jınaıtynyn aıtty. Eger kompanıa talap qoıý merzimi boıynsha, ıaǵnı 3 jyldan asa esep bermese, májbúrli túrde taratylady.