Ótken jyly Rysqulov dańǵyly – Emsov kóshesi qıylysynda kólik aıryǵy iske qosylǵan.
Ákimshilik polısıa basqarmasynyń málimdeýinshe, Almatyda jańa jol-kólik aıryqtary salynady, dep habarlaıdy Almaty-akshamy.kz
Bıyl Saın kóshesi men Móńke bı kóshesiniń qıylysynda kólik aıryǵyn salý, sondaı-aq Tóle bı dańǵylyn uzartý jumystaryn bastaý josparlanýda.
«Bıyl sondaı-aq Abaı dańǵyly, Saın kóshesi, Áýezov kóshesin sozý, Seıfýllın dańǵyly men Jansúgirov kóshesiniń qıylysynda, Qulja tas joly men Buqtyrma kóshesiniń qıylysynda kólik aıryǵyn salý, sondaı-aq «Saryarqa» jáne «B.Momyshuly» beketteri bar uzyndyǵy 3,1 shaqyrymdy quraıtyn metro jelisin paıdalanýǵa berý josparda bar. Budan bólek, «Dýman» yqshamaýdanyndaǵy uzyndyǵy 30,5 shaqyrym joldy kúrdeli jóndeý jumystaryn aıaqtaý, «Alǵabas», «Qaırat», «Álmerek» yqshamaýdandaryndaǵy 43,1 shaqyrymdy quraıtyn 141 kóshede jol qurylysyn aıaqtaý josparlanýda», – dedi Ákimshilik polısıa basqarmasy bastyǵynyń orynbasary Bolatbek Baıatanov.