10 jolaqty jol salyndy
«Altyn Orda» bazary aýdanyndaǵy jańa negizgi jol ótkelinde kólik qozǵalysy ashyldy. Bul týraly QR Indýstrıa jáne ınfraqurylymdyq damý mınıstrligi habarlady.
«2021 jylǵy 25 jeltoqsanda Indýstrıa jáne ınfraqurylymdyq damý mınıstri Beıbit Atamqulov jáne Almaty oblysynyń ákimi Qanat Bozymbaevtyń qatysýymen «Altyn Orda» bazary aýmaǵynda Almaty-Raıymbek ýchaskesindegi jańa magıstraldyq jol ótkelinde kólik qozǵalysynyń ashylýy ótti», - dep habarlady QR IIDM baspasóz qyzmeti.
Jol ýchaskesinde negizgi magıstraldyq estakada, «Podvodka» keri ótpe joly, Aqsaı ózeni arqyly ótetin kópir jáne bıik jaıaý júrginshiler kópirleri salyndy.
Sonymen qatar tranzıttik, qoǵamdyq jáne jergilikti kólikter úshin ınjenerlik komýnıkasıalardy qaıta jańǵyrtý arqyly 4 shaqyrymǵa 10 jolaqty jol salyndy.
Jobany júzege asyrýǵa 200-den astam jumysshy men 50 tehnıka jumyldyryldy, onyń ishinde kúrdeli qosalqy qurylymdar men monolıtti qondyrmanyń búkil uzyndyǵy boıynsha jumystardy jabýǵa arnalǵan jabdyqtar.
«Altyn Orda», «Barlyq» iri bazarlary men «Mall Aport» saýda oıyn-saýyq ortalyǵy ornalasýyn eskere otyryp, kólik qozǵalysynyń ashylýy osy ýchaskedegi ótkizý qabilettiligin arttyrýǵa, turǵyndarǵa qolaıly jaǵdaılardy jaqsartýǵa jáne azamattardyń bıznes júrgizýi úshin ınfraqurylymdyq máselelerdi sheshýge oń áser etedi», - delingen habarlamada.