Qosymshany App Store, Play market arqyly júktep alýǵa bolady
Ónimniń halal ekenin jyldam anyqtaýǵa arnalǵan Halal Guide mobıldi qosymshasy iske qosyldy, dep habarlaıdy Almaty-akshamy.kz QMDB baspasóz qyzmetine silteme jasap.
Qosymshanyń negizgi qyzmeti – «QMDB Halal» ónimderdi izdeý fýnksıasyn qoljetimdi etý. Halal Guide qosymshasynda kórsetilgen barlyq derekter halaldamu.kz saıtynda kórsetilgen resmı aqparattar negizinde jasalǵan jáne árdaıym jańartylyp otyrady. Kásibı mamandardyń uzaqmerzimdi izdenisi nátıjesinde daıyndalǵan qosymshasynyń birneshe artyqshylyǵy bar:
- Kez-kelgen ónim ne kásiporynnyń «Halal Damýdan» sertıfıkattaýdan ótken-ótpegenin jyldam tekserýge múmkindik beredi;
- Ónim qaptamasynda kórsetilgen «E taǵamdyq qospalardyń» ruqsat etilgen, ruqsat etilmegen, kúmándi túrlerin lezde anyqtaýǵa bolady.
- Halal tamaqtaný orny, et dúkeni sekildi kez-kelgen sertıfıkattalǵan kásiporyn meken-jaıy 2Gis kartasy arqyly kórsetiledi.
Qosymshany App Store, Play market arqyly júktep alýǵa bolady.