Boljamy aına qatesiz keletin tanymal dáriger memlekettik qyzmetpen birjola qoshtaspaq
Jandarbek Bekshın zeınetke shyǵady. Boljamy aına qatesiz keletin tanymal dáriger memlekettik qyzmetpen birjola qoshtaspaq, dep habarlaıdy Almaty-akshamy.kz «Astana» telearnasyna silteme jasap.
Densaýlyq saqtaý salasynyń úzdigi, salada 40 jyldaı eńbek etken kásibı maman endi jeke jumystarymen aınalyspaq. Biraq koronavırýspen de sońyna deıin kúresemin deıdi.
«Zań boıynsha bir ret qana bir jylǵa shartty uzatýǵa bolady. Byltyr maǵan bir jylǵa uzartty. Eki ret uzartýǵa bolmaıdy. Qysqa bolsa da, uzaq bolsa da eńbek demalysyna barý kerek. Sondyqtan men dúısenbiden 4 qańtarǵa deıin eńbek demalysynda bolamyn. 5 qańtardan bastap jumysym aıaqtalady», - dedi Almaty qalalyq bas sanıtarlyq dárigeri Jandarbek Bekshın.
Jandarbek Bekshın sondaı-aq óz qupıasyn bólisti. Iaǵnı, koronavırýstyń qashan azaıyp, qashan kóbeıetinin qalaı boljaıtynyn aıtty.
«2009 jylǵy tumaý pandemıasynyń nátıjesin qarap, sebepterin túsindim. Epıdemıa, pandemıa keletinin, vırýstar bolatynyn bildim. Bilimimniń arqasynda jáne jańa bilimmen osyndaı boljamdar berip turdym ǵoı. Bul jumysty júıeli túrde jasadyq», - dedi Jandarbek Bekshın.
Aıta ketý kerek, Jandarbek Bekshın – pandemıa bastalǵaly vırýspen belsendi kúresip júrgen birden-bir maman. Koronavırýstyń qashan keletinin de ózi aıtyp edi. Kúni keshe Almatyǵa «omıkron» shtamy naýryz aıynda keletinin jetkizdi. İndettiń sharyqtaý kezi sol kezge sáıkes keledi deıdi.
Sonymen birge, qalanyń bas sanıtar dárigeri qyzmetin dúısenbiden bastap Qarlyǵash Ábdijapparova ýaqytsha atqaratyn bolady.