Joldy rekonstrýksıalaý jumystary aıaqtalýǵa jaqyn
QR Indýstrıa jáne ınfraqurylymdyq damý vıse-mınıstri Berik Kamalıev Almatyǵa issapary barysynda «Altyn orda» bazary mańyndaǵy avtojol ýchaskesin rekonstrýksıalaý jumysymen tanysty.
«Almaty qalasyndaǵy «Altyn Orda» bazary aýdanyndaǵy avtojol ýchaskesin rekonstrýksıalaý jumystaryn aldyńǵy merdiger kompanıa qarqyndy túrde júrgize almaǵan soń, ony jumystan shettetip, basqa merdiger kompanıa, ıaǵnı, «Sıne Mıdas Stroı» kompanıasymen kelisimshart jasastyq. Qazir osy kompanıa jumys júrgizýde. Kórip tursyzdar, kólik jolaıryǵyndaǵy jumystyń 90% bitti. Qazan aıynyń sońyna deıin jumys tolyq aıaqtalady. Iaǵnı, qarasha aıynyń basynda paıdalanýǵa beriledi», - dedi Berik Kamalıev.
Onyń aıtýynsha, rekonstrýksıa barysynda kólik jolynyń sapasyna eshqandaı zaqym kelmeıdi. Oblystyq jol zertthanasy jol sapasyn únemi qadaǵalap, tekserip otyrady. Sonymen birge, qazirgi ýaqytta osy jerdegi estakadanyń qurylysy jedel qarqynmen júrip jatyr.