AQSH-ta halyqtyń jekelegen sanattary úshin mindetti ımmýndaý rejımi engizilýde.
Amerıka Qurama Shtattarynda halyqtyń jekelegen sanattary úshin mindetti ımmýndaý rejımi engizilýde, dep habarlaıdy Almaty-akshamy.kz COVID-19 taralýyna jol bermeý jónindegi VAK-ǵa silteme jasap.
AQSH Prezıdenti Djozef Baıden COVID-19 vaksınasıasynyń jańa josparyn maquldady. AQSH Prezıdenti óte juqpaly «delta» shtamynyń taralýy uzaqqa sozylýy múmkin ekenin atap ótip, koronavırýstyq mýtasıanyń bul nusqasy jańa jaǵdaılardyń kóp bóligin quraıtynyn aıtty. Jańa josparǵa sáıkes AQSH federaldy Úkimetiniń barlyq qyzmetkerleri, sondaı-aq onyń merdigerleri COVID-19 vaksınasıasynan ótýi kerek.
Ulybrıtanıa
Ulybrıtanıada qańtar men shildede tirkelgen COVID-19 aýrýy men aýrýhanaǵa jatqyzýdyń shyrqaý shegi qyrkúıek aıynda qaıta oryn aldy. Qazir 8 085 adam ortasha aýyr jáne aýyr jaǵdaıda stasıonarlarda em qabyldaýda. Vaksınalaýdyń joǵary qarqynyna qaramastan, vırýstyń taralýy artyp keledi. Ulybrıtanıa - azamattary ımmýndaýdy koronavırýstan naqty qorǵanys retinde qabyldaıtyn Eýropadaǵy sanaýly elderdiń biri. Qazirgi ýaqytta COVID-19-ǵa qarsy tolyq vaksınalanǵan brıtandyqtardyń sany 65% jetti.
Moldova
Moldova bıligi Moldovanyń "jasyl" aımaqtan "qyzǵylt saryǵa"aýysýyna baılanysty COVID-19 taralýyna qarsy kúres aıasynda tótenshe sharalar qabyldady. Densaýlyq saqtaý salasynda erteńnen 30 qazanǵa deıin tótenshe jaǵdaı rejımi engizildi. Bul sharalar koronavırýstyq ınfeksıanyń jańa jaǵdaılarynyń aıtarlyqtaı ósýine baılanysty. 3 qyrkúıekte el Úkimeti vaksınalanbaǵan oqý oryndarynyń oqytýshylaryn eki aptada bir ret PTR-testileýden óz esebinen ótýge mindettedi. Mysaly, moldovalyq dárigerler arasynda vaksınasıalanǵandardyń úlesi 98% - ǵa jetti.
Afrıka
Jer betindegi eń ystyq kontınenttiń 8 mıllıonǵa jýyq turǵyny pandemıa bastalǵannan beri koronavırýs ınfeksıasyn juqtyrdy. Afrıkada COVID-19 jaǵdaılarynyń jalpy sany 7,94 mıllıonnan asty, - dep habarlady Afrıka aýrýlardy baqylaý jáne aldyn alý ortalyǵy. Qaıtys bolǵandardyń jalpy sany 200 741 adamǵa jetti. Vedomstvonyń málimetinshe, ınfeksıanyń eń kóp sany Ońtústik Afrıkada, al eń joǵary kórsetkishter tirkelgen elder - Ońtústik Afrıka, Marokko, Týnıs, Lıvıa jáne Efıopıa.