QR Premer-Mınıstriniń birinshi orynbasary Roman Sklár qatty paıdaly qazbalar men kómirsýtek shıkizaty ken oryndaryn memleket menshigine qaıtarý máselesi boıynsha keńes ótkizdi, dep habarlaıdy Almaty-akshamy.kz.
Úkimet shart talaptaryn buzǵan jer qoınaýyn paıdalanýshylarmen jasalǵan kelisimsharttar men lısenzıalardy qaıta qaraý boıynsha jumys júrgizip jatyr.
Osylaısha, júrgizilgen taldaý nátıjelerine sáıkes ýákiletti organdar 118 kelisimshartty (2023 jyldyń basynan beri – 19 kelisimshart) jáne qatty paıdaly qazbalar (PQQ) boıynsha 245 lısenzıany (2023 jyldyń basynan beri – 42 lısenzıa), sondaı-aq kómirsýtek shıkizaty boıynsha 27 kelisimshartty (2023 jyldyń basynan beri – 15 lısenzıa) buzdy.
Nátıjesinde altyn, kómir, temir, mys, kómirsýtekter, boksıtter, polımetaldar jáne t. b. ken oryndary memlekettik qorǵa qaıtaryldy, olar keıinnen jańa ınvestorlarǵa berý úshin ashyq aýksıonǵa shyǵarylady.
Bul jer qoınaýyn paıdalaný salasynda qosymsha ınvestısıalar aǵynyn qamtamasyz etedi.
Qazirdiń ózinde 2023 jyly ótkizilgen aýksıondardyń qorytyndysy boıynsha el búdjetine 1,5 mlrd teńge kóleminde qol qoıý bonýsy tólendi. Bul rette kómirsýtegi shıkizatyn barlaý boıynsha jańa ınvestısıalar 15,7 mlrd teńgeden asady.
Bul rette ýákiletti organdar qarjylyq mindettemelerdi buzǵan jer qoınaýyn paıdalanýshylarǵa aıyppul sanksıalaryn qoldaný boıynsha jumys júrgizip jatyr.
Osylaısha, memleket esebine qatty paıdaly qazbalar boıynsha 934 mln teńge aıyppul óndirildi (2023 jyldyń basynan beri 603 mln teńge), sondaı-aq kómirsýtek shıkizaty salasyndaǵy 9 kelisimshart boıynsha 1,94 mlrd teńge bereshek óteldi.
Úkimettiń jer qoınaýyn paıdalaný salasyn odan ári damytý jónindegi jumysy jalǵasady.