Paragvaıda jyl sońyna deıin COVID-19-ǵa qarsy balalarǵa vaksına salý qolǵa alynbaq
Jyl sońyna deıin bul elde alty jastan asqan balalardy vaksınasıalaý bastalady, sonymen birge, azamattardyń jekelegen sanattaryn ımmýndaý júrgiziledi, dep habarlaıdy Almaty-akshamy.kz RIA Novostı-ǵa silteme jasap.
Bul týraly eldiń densaýlyq saqtaý mınıstriliginiń basshysy Hýlıo Borba habarlady.
«Biz ımýnıteti tómendegen jasy 50-den asqan azamattar men densaýlyq saqtaý salasynyń qyzmetkerlerine vaksınanyń úshinshi dozasyn jetkizýdi bastaımyz. Jyl sońyna deıin alty jastan asqan balalar arasynda vaksınalaýdy bastaý josparlanyp otyr», - dedi ol.
Sonymen birge, janama aýrýlary joq 12-17 jastaǵy jasóspirimderdi vaksınalaý bastalady.
Mınıstrdiń bul málimdemesi vedomstvonyń Twitter paraqshasynda aıtylǵan.
Paragvaıda koronavırýs juqtyrýdyń 460 244 jaǵdaıy tirkelgen, 16 207 naýqas qaıtys bolǵan.