Qaıta vaksınalaý, bıznes nysandarynyń jumysy jáne ujymdyq ımýnıtetti qalyptastyrý suraqtary VAK otyrysynda qaraldy
QR Premer-Mınıstriniń orynbasary Eraly Toǵjanovtyń tóraǵalyǵymen QR aýmaǵynda koronavırýs ınfeksıasynyń taralýyna jol bermeý jónindegi vedomstvoaralyq komısıanyń otyrysy ótti, dep habarlaıdy Almaty-akshamy
Densaýlyq saqtaý mınıstri Alekseı Soı eldegi sanıtarlyq-epıdemıologıalyq jaǵdaı týraly baıandama jasady.
Sońǵy eki aptada COVID-19-ben aýyrý deńgeıi 30%-ǵa, ólim-jitim 40%-ǵa tómendedi.
VAK otyrysynda birqatar mańyzdy sheshim qabyldandy: COVID-19-ǵa qarsy ujymdyq ımýnıtetti qalyptastyrý maqsatynda vaksınalaýǵa jatatyn kontıngent 9,9 mln-nan 11,4 mln adamǵa deıin ulǵaıtyldy, bul DDSU usynymdaryna sáıkes ujymdyq ımýnıtetke 60% deńgeıinde qol jetkizýge múmkindik beredi;
halyqty qaıta vaksınalaýdy aǵymdaǵy jyly qarashanyń úshinshi onkúndiginen kelesi sanattaǵy adamdar úshin bastaý josparlanyp otyr: táýekel toptary (medısına qyzmetkerleri, pedagogter, medısınalyq-áleýmettik mekemeler men jabyq mekemelerdiń personaly men kontıngenti, kúsh qurylymdarynyń qyzmetkerleri); 60 jastan asqan adamdar;
ózdiginen zertteýlerden ótken jáne KVI-ǵa qarsy antıdenelerge teris test nátıjesi bar adamdar;
«ASHYQ» jobasyna qatysatyn kásipkerlik nysandarynyń jumys ýaqyty ulǵaıdy, «jasyl aımaqta» – saǵat 03:00-ge deıin, «ASHYQ» jobasynyń kóshbasshylary úshin – saǵat 05:00-ge deıin;
«sary aımaqta» – saǵat 01:00-ge deıin, «ASHYQ» jobasynyń kóshbasshylary úshin – saǵat 03:00-ge deıin;
Úndistan jáne Fılıppınmen ózara vaksınalaý tólqujatyn taný iske asyryldy, nátıjesinde Qazaqstan Respýblıkasy 15 elmen vaksınalaý pasportyn taný týraly kelisimge qol jetkizdi (Túrkıa, Vengrıa, Grýzıa, Qyrǵyzstan, Moldova Respýblıkasy, Mońǵolıa, Taıland, Belarýs Respýblıkasy, Armenıa, Iran, San-Marıno, Argentına, Estonıa, Úndistan men Fılıppın); karantındik shekteýler kezeńinde QR Memlekettik shekarasyn kesip ótý tártibine QR aýmaǵyna erkin kirý (VAK sheshiminsiz) bóliginde ózgerister engizildi: týystyq faktisin rastaı otyryp, QR azamattarynyń týystary bolyp tabylatyn sheteldikterge; QR azamattarynyń otbasy músheleri bolyp tabylatyn sheteldikterge aýyr naýqastanǵandarǵa kútim jasaý úshin, olardyń ilesip júretin jubaılary men kámeletke tolmaǵan balalaryna, sondaı-aq jerleý rásimine kelgenderge.
Vedomstvoaralyq komısıanyń otyrysyn qorytyndylaı kele, Eraly Toǵjanov birqatar naqty tapsyrma berip, VAK qatysýshylarynyń aldynda taıaý ýaqyttaǵy basym mindetterdi belgiledi.