Almaty qalasynda 2024 jyly 26 qyrkúıekte túrki álemindegi jas aqyndardyń halyqaralyq poezıa festıvali ótedi. Oǵan Túrkıa, Qazaqstan, Qyrǵyzstan, Ózbekstan, Ázirbaıjan jáne Túrikmenstannyń aqyndary qatysady.
Festıváldiń basty maqsaty – túrki áleminiń birligi men mádenıetin nyǵaıtý, jas aqyndardyń shyǵarmashylyq kókjıegin keńeıtý. İs-shara TÚRKSOI uıymynyń, Almaty qalasy ákimdigi men «Tulǵa-Dostyq» qoǵamdyq qorynyń qoldaýymen ótedi.
Festıvál 11:00-de «Poezıa aleıasynda» (Seırikov kóshesi, 2a) saltanatty túrde ashylady. Onda TÚRKSOI Bas hatshysy Sultan Raev, Túrki memleketteri jazýshylar odaǵynyń tóraǵasy Ulyqbek Esdáýlet, Qazaqstan Jazýshylar odaǵy tóraǵasynyń orynbasary Qasymhan Begimanov, Qyrǵyzstan Jazýshylar odaǵynyń tóraǵasy Qanybek Imanalıev, Qazaqstannyń qoǵam qaıratkeri, «Parasat» jáne «Dostyq» ordenderiniń ıegeri Asyly Osman jáne basqa da zıaly zıaly qaýym ókilderi, qoǵam qaıratkerleri, jazýshylar men mesenattar sóz sóıleıdi.
Al festıválge qatysýshy aqyndar saǵat 17:00-de «Alataý» dástúrli óner teatrynda («Nurkent» shaǵyn ýdany, 6) óner kórsetedi.
Qatysýshylar: Mýhıttın Gúmúsh (Túrkıa), Araılym Muratalıeva (Qazaqstan), Dáýren Tileýhan (Qazaqstan), Vılám Molotov (Qazaqstan), Erqanat Keńesbekuly (Qazaqstan), Yrysgúl Izatova (Qyrǵyzstan), Akjol Doranbek ýýlý (Qyrǵyzstan), Kanatbek Taalaıbek ýýlý (Qyrǵyzstan), Shýhrat Arıf (Ózbekstan), Mansýr Jýmaev (Ózbekstan), Hýlkar Sherzodova (Ózbekstan), Intıgam Iasharuly (Ázirbaıjan), Hoshgeldıeva Mahym (Túrikmenstan).
Sonymen qatar, festıvál barysynda «Alataý serileri» ansambli, Bıbigúl Qılymhan, Áset Esjan, Erden Jaqsybek, sondaı-aq «Alataý» etno-folklorlyq ansambli syndy qazaqstandyq tanymal óner ujymdary men oryndaýshylar ánnen shashý shashady.
Baılanys telefony: 8 775 696 93 33, Shoqan.