Keshe aýyl mektepteriniń oqýshylaryna arnalǵan jalpy bilim beretin pánder boıynsha respýblıkalyq olımpıadanyń İ (mektepishilik) kezeńi bastaldy.
Olımpıadaǵa 113 myńnan astam 9-11(12) synyp oqýshylarynyń rekordtyq sany tirkeldi. Ótken jylǵa qaraǵanda qatysýshylar sany 34 myńǵa oqýshyǵa artty, dep habarlaıdy aqshamnews.kz Oqý-aǵartý mınıstrligine silteme jasap.
Olımpıada 13 pán boıynsha, jaratylystaný-matematıkalyq jáne qoǵamdyq-gýmanıtarlyq baǵyttarda ótkiziledi:
I kezeń (mektepishilik) – 2024 jyldyń qyrkúıegi;
II kezeń (aýdandyq) – 2024 jyldyń qazany;
III kezeń (oblystyq) – 2024 jyldyń qarashasy;
IV kezeń (respýblıkalyq) – 2024 jyldyń jeltoqsany.
Bul rette ótken jylǵy olımpıada jeńimpazdary bıylǵy olımpıadanyń respýblıkalyq kezeńine pánder sáıkestigi boıynsha barlyq kezeńderge qatysý sharttaryn saqtaı otyryp, konkýrstan tys qatysa alady.
Mektepegi kezeńine tirkelý auyl.daryn.kz saıtynda ótti, al kezeńniń ózi 2024 jyldyń 28 qyrkúıeginde aıaqtalady.
Esterińizge sala keteıik, aýyl mektepteriniń oqýshylaryna arnalǵan bul olımpıada alǵash ret ótken oqý jylynda QR Oqý-aǵartý mınıstrliginiń bastamasymen ótkizildi. Ol Qazaqstannyń shalǵaı eldi mekenderindegi daryndy jáne talantty balalardyń qabiletterin anyqtaýǵa jáne nyǵaıtýǵa baǵyttalǵan. Osylaısha, olımpıadanyń birinshi jylynyń qorytyndysy boıynsha júldeli oryndarǵa ıe bolǵan aýyl oqýshylarynyń sany 8 esege jýyq artty.
Anyqtama úshin: Olımpıada kezinde aýyl oqýshylary jan-jaqty qoldaý taýyp, aldaǵy zıatkerlik saıystarǵa daıyndalý úshin «Daryn» respýblıkalyq syrttaı mektebine qabyldanady. Aıta ketý kerek, olımpıada jeńimpazdary elimizdiń jetekshi oqý oryndarynyń granttaryna ıe bolady.