Atalǵan iske «Atameken» UKP burynǵy Basqarma tóraǵasy A.I. Myrzahmetovtiń de qatysy bar.
Sybaılas jemqorlyqqa qarsy is-qımyl agenttigi Eńbek jáne áleýmettik qorǵaýdyń burynǵy vıse-mınıstri, Májilistiń eks-depýtaty Nurjan Áltaevtyń qandaı kúdikke ilingenin málimdedi, dep habarlaıdy Almaty-akshamy.kz.
«7 maýsymda Sybaılas jemqorlyqqa qarsy qyzmet jasyryn is-sharalar kesheniniń nátıjeleri boıynsha eks-vıse-mınıstr Nurjan Áltaevty asa aýyr jemqorlyq qylmys jasady degen kúdik boıynsha ustady. N.B. Áltaev Eńbek jáne áleýmettik qorǵaý vıse-mınıstri, keıinnen QR Parlamenti Májilisiniń depýtaty retinde júıeli negizde «Atameken» Ulttyq Kásipkerler palatasynyń Basqarma tóraǵasy A.I.Myrzahmetovten asa iri mólsherde para aldy dep kúdiktenedi», - delingen habarlamada.
Belgili bolǵandaı, 2018-2020 jyldar kezeńinde jaýapty memlekettik laýazymdardy atqara otyryp, ol A.I.Myrzahmetovtyń múddesi úshin áreket etip, onyń uıymyna memlekettik tapsyrystardy alýyna yqpal etip, jalpy qamqorshylyq kórsetken.
Qazir N.B.Áltaev Astana qalasy polısıa departamentiniń ýaqytsha ustaý ızolátoryna qamaldy. Tergeý jalǵasýda.
QR QPK 201-babyna sáıkes tergeý múddesi úshin ózge aqparat jarıa etýge jatpaıdy.
Konstıtýsıanyń 77-baby 3-tarmaǵynyń 1-tarmaqshasyna jáne Qylmystyq-prosestik kodeksiniń 19-baby 1-bóligine sáıkes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deıin árbir adam kinásiz dep esepteledi.