Bıylǵy zertteý boıynsha, Shvesıada shylym shegýshilerdiń sany halyqtyń 5%-yn ǵana quraǵan.
Bul – rekordtyq kórsetkish. Biraq jergilikti bılik temekiniń ornyn basatyn balama tútinsiz quraldardy tutynýǵa, satýǵa shekteý qoımaǵan. Iaǵnı shvedter birazdan beri tútinsiz temeki ónimi – snústy qoldanyp keledi.
Al DDSU dál osy nátıjege jetken (5%-ǵa) elderdi ǵana «temeki tútininen azat elder» qataryna qosady. Eýropalyq Odaq óziniń barlyq múshe memleketiniń aldyna 2040 jylǵa qaraı «temeki tútininen arylý» mindetin qoıyp otyr.
DDSU málimetinshe, temeki shegýshilerdiń jartysyn temeki óltiredi. Bıylǵy derek boıynsha, eń kóp temeki tartatyn elder sanatynda turǵandar – Naýrý (turǵyndarynyń 52,1%-y shylymqor), Kırıbatı, Tývalý, Mánma jáne Chılı. Al eń az shegetinder – Gana, Efıopıa jáne Nıgerıa turǵyndary.