Ár tal shash kúnine shamamen 0,35 mıllımetr ósedi. Jylyna 12 santımetrge uzarsa, sonda ómiriniń sońyna deıin 7,6 metrdi quraıtyn kórinedi.
Bir shashtyń ózi 100-den 200 gramǵa deıingi salmaqtaǵy zatty ustap turýǵa qaýqarly. Shash kóbine kóktem men jazda tez ósedi eken.
Balanyń shashy anasynyń qursaǵynda jatqanda-aq óse bastaıdy. Shamamen, júktiliktiń 4-shi aıynda sharananyń basyna shash shyǵady eken. Shashtyń qalyń, juqa nemese buıra bolýy adamnyń teginen. Shashymyz túsip, juqaryp qalsa, bul tamaqtaný jáne ómir súrý saltymyzǵa baılanysty bolady eken.
DNQ-ny anyqtaý úshin adamnyń shashyn da paıdalanatynyn bilemiz. Iá, shash shynymen de genetıkalyq aqparat beretin element. Ol arqyly týystyqty anyqtaýǵa nemese áldebir qylmysty ashýǵa bolady. Analız úshin qıyp alynǵan shash jaramaıdy, túbinen julý kerek. Óıtkeni, DNQ shashtyń túbinde, ózeginde bolatyn kórinedi, keminde bes talyn túbinen julyp alý jetkilikti desedi.