Roza Baǵlanova atyndaǵy «Qazaqkonsert» memlekettik akademıalyq konserttik uıymynda Mádenıet jáne aqparat mınıstrliginiń qoldaýymen Halyq qaharmany, kórnekti kompozıtor, kúıshi, dırıjer Nurǵısa Tilendıevtiń 100 jyldyq mereıtoıyna arnalǵan «Álqıssa-Nurǵısa» atty mereıtoılyq konserttiń saltanatty ashylýy ótti, dep habarlaıdy aqshamnews.kz QR Mádenıet jáneaqparat mınıstrliginiń baspasóz qyzmetine silteme jasap.
Bul konsert kompozıtordyń 100 jyldyǵyna arnalǵan merekelik is-sharalar baǵdarlamasynyń bastamasy boldy.
Keshte uly tulǵanyń qurmetine Memleket basshysynyń atynan gúl shoqtary tabys etildi.
İs-sharaǵa QR Mádenıet jáne aqparat mınıstri Aıda Balaeva, belgili mýzykanttar, Qazaqstannyń eńbek sińirgen qaıratkerleri, halyqaralyq baıqaýlardyń laýreattary, sondaı-aq elimizdegi óner ujymdary qatysty.
Olardyń qatarynda Jambyl atyndaǵy Qazaq memlekettik akademıalyq fılarmonıasynyń Nurǵısa Tilendıev atyndaǵy akademıalyq fólklorly-etnografıalyq «Otyrarsazy» orkestri, Erkeǵalı Rahmadıev atyndaǵy akademıalyq fılarmonıasynyń sımfonıalyq orkestri, B. Baıqadamov atyndaǵy memlekettik hor kapelasy jáne tanymal ánshiler men ónerpazdar bar.
Konserttik baǵdarlama boıynsha kórermenge Nurǵısa Tilendıevtiń qazaq mýzykasynyń altyn qoryna engen shyǵarmalary usynyldy.
Jyl boıy Qazaqstannyń barlyq óńirinde 100-ge jýyq is-shara ótedi. Atap aıtsaq, kórmeler, konsertter, baıqaýlar men festıválder uıymdastyrý josparlanǵan.
Qazaq mýzykasynyń dara tulǵasynyń mereıtoıy tek elimizde ǵana emes, IýNESKO jáne TÚRKSOI sıaqty bedeldi uıymdardyń qoldaýymen halyqaralyq deńgeıde de atalyp ótedi.
Mereıtoılyq baǵdarlamanyń basty is-sharasy– Qazaqstannyń Mádenıet kúnderi aıasynda Fransıadaǵy IýNESKO shtab-páterinde ótetin Nurǵısa Tilendıevtiń 100 jyldyǵyna arnalǵansaltanatty konsert. Sondaı-aq AQSH-ta, áıgili Karnegı-hollda, konsert pen kórme uıymdastyrylsa, Beıjińde «Qustar qaıtypbarady» konserti aıasynda kompozıtordyń ánderi oryndalady.
