Almatynyń Túrksib aýdanynda 594 úı renovasıalaýdy qajet etedi. Almaty qalasy Túrksib aýdany ákiminiń orynbasary Naıl Lebaev Óńirlik komýnıkasıalar qyzmetinde ótken brıfıńte bul máseleniń sheshimi tabyla bastaǵanyn, eki qabatty 13 eski úıdi buzý josparlanǵanyn aıtty, dep habarlıdy Almaty-akshamy.kz Almaty qalasynyń Óńirlik komýnıkasıalar qyzmetine silteme jasap.
«Aýdannyń kóp páterli turǵyn úı qory 1229 úıdi quraıdy, onyń ishinde renovasıany talap etetin eski úıler sany – 594. Qazirgi ýaqytta Saýranbaev - Spartak - Chernyshevskıı - Aqynov kósheleriniń kvadratynda 13 eski eki qabatty turǵyn úıdi, barlyǵy 201 páterdi buzý josparlanýda. Atalǵan ýchaskede 856 páterli 40 bes qabatty turǵyn úı salynady», - dedi N. Lebaev.
Spıker ótken jyly 3 kóp qabatty úıdiń (62 páter) qurylysy aıaqtalǵanyn habarlady. Eki qabatty úsh úı buzylyp, olardyń ornyna 7 bes qabatty úıdiń (152 páter) qurylysy bastaldy. Jumystardy 2023 jyldyń İİ toqsanynda aıaqtaý josparlanyp otyr.
"QazaqStroy" jeke ınvestorymen Seıfýllın, Kassın, Kotelnıkov kósheleriniń kvadratynda 30 segiz páterli eski úılerdi renovasıalaý bastaldy. Atalǵan ýchaskede 27 alty qabatty úı (820 páter) salynady. Qazirde 114 páterlik 2 úı salynyp, paıdalanýǵa berildi.
2021 jyly «AgroSpesStroı» merdigerlik uıymy Osıpenko kóshesinde 59 páterli bir kóp páterli turǵyn úıdiń qurylysy bastaldy, nysandy tapsyrý merzimi – 2022 jyldyń IV toqsany.
Sondaı-aq, Túrksib aýdanynda «TKSH modernızasıalaý» baǵdarlamasy júzege asyrylýda, 8 kóp qabatty úı jóndeldi. Sondaı-aq, 2017-2022 jyldar aralyǵynda 543 aýla abattandyryldy.