Bul týraly Almaty qalasy Túrksib aýdany ákiminiń orynbasary Naıl Lebaev Óńirlik komýnıkasıalar qyzmetiniń brıfıńinde málimdedi, dep habarlaıdy Almaty-akshamy.kz.
Ákimdik ókiliniń habarlaýynsha, aýdanda uzyndyǵy 482 km bolatyn 486 kóshe bar. 439 kóshege asfálttalǵan nemese 90%-yn quraıdy.
«Qazirde uzyndyǵy 10,2 km bolatyn 17 kósheni ortasha jóndeý boıynsha jol jumystary aıaqtaldy. Bul L. Tolstoı, Saýranbaev, Erjanov kóshesiniń qıylysy, Tynyshbav kóshesiniń qıylysy jáne basqalary. "Álmerek" jáne "Qaırat" shaǵynaýdandarynda ınjenerlik jeliler qurylysy aıaqtalǵannan keıin taǵy 30 kóshe jóndeletin bolady», – dep habarlady ákimniń orynbasary.
Sonymen qatar, Almaty qalasynyń qalalyq mobıldilik basqarmasy aýdannyń 7 ýchaskesi boıynsha 9,5 km jaıaý júrginshiler joly jóndeldi (Namangan, Dónentaev, Lavrenev, Maılın, Aqan Seri, Papanın, Ahmetov), qazirgi ýaqytta Seıfýllın dańǵylynyń 2 km-inde jumystar júrgizilýde.
«Bıylǵy jyly Qulja traktisi men Buqtyrma kósheleriniń qıylysynda kólik jolaıryǵynyń qurylysy aıaqtalady. Jer ústi jaıaý júrginshiler ótkelderin salýǵa JSQ ázirlendi: «Parasat» TK janynda Rysqulov dańǵylymen jáne temirjol joldary arqyly Erjanov kóshesimen. Saraptamany alý merzimi: aǵymdaǵy jyldyń qyrkúıek jáne jeltoqsan aılary», – dep jalǵastyrdy N. Lebaev.
Sonymen qatar, Hmelnıskıı kóshesi "Qaırat" shaǵynaýdanynan Qulja traktisine deıin uzartý boıynsha JSQ ázirleý jumystary júrgizilýde.
Naıl Lebaev kóshelerdi jaryqtandyrý suraqtaryna da toqtalyp ótti. Onyń aıtýynsha, ótken jyly 614 ýchaskede aǵymdyq jóndeý jumystary júrgizilgen, 8463 kronshteın jáne sham ornatylǵan. Jyl sońyna deıin aýdannyń ishinara jaryqtandyrylǵan júzden asa kóshesin qosymsha jaryqtandyrý josparlanýda.
Lavrenev kóshesi, uzyndyǵy 8 km bolatyn Qulja traktisi boıynsha syrtqy jaryqtandyrý jelilerin modernızasıalaý boıynsha jumystar aıaqtaldy. Sholohov kóshesinen Seıfýllın dańǵylyna deıin Aqan seri kóshesinde jumystary jalǵasýda. Josparlanǵan aıaqtaý merzimi – 2022 jyldyń úshinshi toqsany.