Almaty qalasy Túrksib aýdany ákiminiń orynbasary Naıl Lebaev Óńirlik komýnıkasıalar qyzmetiniń brıfıńinde aýyz sý jáne káriz máseleleri qalaı sheshilip jatqanyn aıtty. Ekinshi jyl aýdanda 2020-2024 jyldarǵa arnalǵan «Jańa Almaty» shet aımaqtardy damytýdyń keshendi jospary belsendi júzege asyrylýda, dep habarlaıdy Almaty-akshamy.kz Almaty qalasynyń Óńirlik komýnıkasıalar qyzmetine silteme jasap.
Naıl Lebaev ótken jyly "Álmerek", "Qaırat", "Nurshashqan" shaǵynaýdandarynda 2500-den astam úıdi qamtyǵan sýmen jabdyqtaý jáne sýdan burý jelileriniń qurylysy aıaqtalǵanyn eske saldy.
«Osy jyldyń naýryz aıynda Tómengi Pátıletka aýdanynda 4120 úıdi qamtıtyn sýmen jabdyqtaý jáne sýdan burý jelileriniń qurylysy bastaldy, onda 16 000-nan astam turǵyn turady. Jelilerdi salýdy 2023 jyly aıaqtaý josparlanyp otyr. Sonymen qatar, "Jas Qanat" shaǵynaýdanynda montajdaý jumystary júrgizilýde, onda 2500 turǵyndy qamtıtyn 530 úıge sý júrgiziledi. Jumystar osy jyldyń sońynda aıaqtalady», - dedi N. Lebaev.
Sonymen qatar, Zakarpatskaıa kóshesi boıynda sý qubyry jáne sýdan burý jelileriniń qurylysy júrgizilýde (70 abonent), qazirgi ýaqytta konkýrstyq rásimder júrgizilýde, aıaqtalý merzimi - 2022 jyldyń qyrkúıek aıy. Qurylys-montaj jumystaryn jyl sońyna deıin aıaqtaý josparlanyp otyr.
Sondaı-aq, "Shýaqty" shaǵynaýdanynda (400 abonent) sý qubyry men kárizdiń taratý jelileriniń qurylysy bastaldy. Jumystardy 2023 jyldyń sońyna deıin aıaqtaý josparlanyp otyr.
Aýdan ákiminiń orynbasary "Maıak" shaǵynaýdanynda sý qubyry jáne káriz jelileriniń qurylysyna JSQ ázirleý týraly da aıtyp berdi. Sondaı-aq, sý "Qaırat" shaǵynaýdanyna, Buqtyrma kóshesiniń ońtústigine (Shyǵys qaqpasy) ótedi. "Álmerek" shaǵynaýdanynda 261 úıge sý jáne 517-ge sýdan burý jelileri tartylady.
Naıl Lebaev turaqty elektrmen jabdyqtaýǵa baılanysty máselelerdi nazardan tys qaldyrǵan joq. Onyń aıtýynsha, «Tuzdybastaý» qosalqy stansıasynyń qurylysy jalǵasýda. İske qosý merzimi – 2023 jyldyń İ toqsany. Sonyń nátıjesinde bul máseleler "Qaırat" jáne "Nurshashqan" shaǵynaýdandarynda joıylatyn bolady. Jyl sońyna deıin "Álmerek", "Nurshashqan", "Shýaqty" shaǵynaýdandarynyń ishinde elektrmen jabdyqtaýdyń taratý jelileri salynady.
Sóz sońynda spıker Túrksib aýdany magıstraldyq gaz jelisimen 99% qamtylǵanyn habarlady. Aýdanda barlyǵy 25 128 jeke menshik úı, onyń ishinde 24 963 úı gazdandyrylǵan. 165 úı gazǵa qosylmaǵan bolyp qala beredi. Bul rette 95-ke gaz magıstrali tartyldy, onyń ishinde 19 úı qosylý satysynda, 76 úıde obektıvti sebepter boıynsha merdigerlik uıymdarmen ishki montajdaýǵa arnalǵan shart joq jer (ýchaskelerinde qurylystardyń bolmaýy, aıaqtalmaǵan qurylystar, ýaqytsha qurylystar, zańdastyrylmaǵan úı qurylystary).
Jeke ınvestısıalar esebinen jańadan salynǵan 70 úıge gaz magıstraliniń qurylysy júrgizilýde, aıaqtalý merzimi – 2022 jyldyń qyrkúıegi. Bul rette demeýshiler esebinen ótken jyly áleýmettik jaǵynan osal 25 otbasynyń úıi gazǵa qosylǵanyn aıta ketý kerek.