Almatynyń týrızm salasy 2024 jyly aıtarlyqtaı ósim kórsetti.
2024 jyldyń úsh toqsanynda Almatyǵa 1,7 mıllıon adam keldi, bul 2023 jyldyń osy kezeńimen salystyrǵanda 14,2%-ǵa kóp, dep habarlaıdy aqshamnews.kz.
Qonaqtar sanynyń artýy qala ekonomıkasyna tikeleı áser etti: týrızm salasynan túsken salyqtyq túsimderi 11 aıda 85,5 mıllıard teńgege jetip, ótken jylǵy kórsetkishten 2 esege artty.
Negizgi kapıtalǵa salynǵan ınvestısıa 92,9 mıllıard teńgege jetip, ótken jylmen salystyrǵanda 12%-ǵa ósti. Jeke qarajat esebinen qalada 35 jańa ornalastyrý nysany ashyldy, onyń ishinde 20 qonaqúı, 4 glempıng, 8 hostel jáne 3 qonaq úı bar. Bul 836 bólme qosyp, týrıserdi qabyldaý ınfraqurylymyn aıtarlyqtaı nyǵaıtty.
Bul nátıjeler Almatynyń joǵary ınvestısıalyq tartymdylyǵyn jáne bıznesti damytýǵa qolaıly jaǵdaı jasaý baǵytyndaǵy tıimdi jumysty kórsetedi. 2025 jyly qala ınvestorlardy tartýdy, týrısik ınfraqurylymdy damytýdy jáne halyqaralyq arenadaǵy ornyn nyǵaıtýdy jalǵastyryp, Almatyny Ortalyq Azıanyń jetekshi týrısik baǵyty retinde odan ári ilgeriletýdi josparlap otyr.