2024 jyly Almatyda esirtkiniń zańsyz aınalymyna baılanysty 716 buzýshylyq anyqtaldy, onyń ishinde — 1 tonnadan astam tyıym salynǵan zattar tárkilenip, 23 esirtki zerthanasy joıyldy, dep habarlaıdy aqshamnews.kz.
Bul derekter Óńirlik komýnıkasıalar qyzmetiniń alańynda aıtyldy.
Almaty qalasy PD esirtki qylmysyna qarsy İs-qımyl basqarmasynyń asa mańyzdy ister jónindegi aǵa jedel ýákili Dáýren Kóbeevtiń aqparatyna sáıkes, ınternet arqyly kontakt jasamaı-aq, taratylatyn sıntetıkalyq esirtkiler asa qaýip tóndiredi. Bir jyl ishinde «esirtki qoıyp ketýshi» dep atalatyn 105 adam ustaldy, bul ótken jylǵy kórsetkishten áldeqaıda joǵary.
«Tamyz aıynda asa iri operasıa júrgizildi: psıhotroptyq zattardy jasyryn óndirýdiń úsh uıymdastyrýshysy ustaldy, 20,6 kg — nan astam « mefedron» jáne 750 kg prekýrsorlar, sondaı-aq 800-ge jýyq aldyn ala oralǵan esirtki baılamy tárkilendi», - dedi D.Kóbeev.
Nashaqorlyqqa qarsy kúres aıasynda 2024 jyly esirtki satýshylarmen baılanysqan 12 200 graffıtı boıalyp, buǵattaý úshin «Kıbernadzorǵa» jiberilgen 623 ınternet-saıt anyqtaldy.
Ótken jyly qalada halyqtyń esirtkige qarsy ımýnıtetin qalyptastyrý maqsatynda 715 profılaktıkalyq is-sharalar, sonyń ishinde aksıalar, semınarlar men dóńgelek ústelder ótkizildi.
«Biz jedel-izdestirý is — sharalaryna ǵana emes, sonymen qatar qala turǵyndary úshin qaýipsiz aqparattyq orta qura otyryp, belsendi profılaktıkalyq jumystarǵa da nazar aýdaramyz», - dep atap ótti PDB ókili.
42 metro monıtorlary men 129 LED ekrandarynda tanymal sportshylardyń qatysýymen áleýmettik beıneler kórsetiledi, sonymen qatar barlyq turǵyndar úshin qoljetimdi anonımdi senim telefony (WhatsApp 8-705-549-70-25) týraly aqparat ornalastyrylǵan.